УИХ-ын чуулганы үдээс өмнөх хуралдаан завсарлалаа. Өнөөдрийн нэгдсэн чуулганы үдээс өмнөх хуралдаанаар өчигдөр Сангийн яамнаас өргөн барьсан Монгол Улсын 2014 оны төсвийн тухай хуульд өөрчлөлт оруулах тухай, Нийгмийн даатгалын сангийн 2014 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2014 оны төсвийн тухай хуульд өөрчлөлт оруулах тухай хуулийн төслүүдийг эхний хэлэлцүүлгийг хийж байсан юм. Гишүүд төсөвтэй холбоотой асуултуудыг салбарын сайд болон Сангийн яамны мэргэжилтнүүдээс асууж дуусан бөгөөд санал хэлж байгаад ийнхүү завсарлалаа. Чуулган үдээс хойш 14 цагаас үргэлжилнэ.