Сангийн яамнаас өргөн барьсан төсөвт өөрчлөлт оруулах тухай хуулийн төслийн анхны хэлэлцүүлгийг УИХ-аар хийлээ. Үдээс өмнөх хурлаас эхлэн хэлэлцэж эхэлсэн хуулийн төслийн талаар гишүүд олон санал дүгнэлт хэлж байсан юм. Энэ үеэр УИХ-ын гишүүн Н.Батцэрэг " Нөхцөл байдал ямар байгааг ойлгож буй учраас байгаагаар нь батлаад явахаас өөр  арга байхгүй. Хамгийн багаар бодоход нэг их наядаар төсөв чинь дутчихсан байна. Хямрал биднийг хүссэн ч эс хүссэн ч хэцүү байдалд оруулна. Зөв менежемент хийгээд явбал бид зөв замдаа орох учиртай. Ойрын гурван жилд манай улс 4.5 тэрбум төгрөгийн ам.долларын өр төлөх гэж байна. Тэгэхгүй бол Грекийн зовлон манайд үүснэ. Олон юм яриад байлгүй батлаад, ирэх оны төсвийн тодотголыг хийх хэрэгтэй" гэсэн юм.
                                 Ингээд Монгол Улсын 2014 оны төсвийн тухай хуульд өөрчлөлт оруулах тухай, Хүний хөгжил сангийн 2014 оны төсвийн тухай хуульд өөрчлөлт оруулах тухай, Нийгмийн даатгалын сангийн 2014 оны төсвийн тухай хуульд нэмэлт, өөрчлөлт оруулах тухай хуулийн төслүүдийн хоёрдугаар хэлэлцүүлгийг хийлгэхээр байнгын хороо,бүх намууд болон эвслийн бүлэг, төсвийн зарлагын хяналтын ажлын хэсэгт шилжүүллээ.