УИХ-ын нэгдсэн чуулган дөнгөж сая гишүүдийн ирц хангалтгүй гэсэн шалтгаанаар цуцлагдлаа. Үдээс хойшхи чуулганаар УИХ-ын гишүүн О.Баасанхүүгийн санаачилсан Тамхины тухай хуульд нэмэлт өөрчлөлт оруулах хуулийн төслийг хэлэлцэж байсан юм. Тодруулбал, Ерөнхий боловсролын сургуулийн хичээлийн болон дотуур байрнаас 500 метрийн дотор гэснийг “байрны гаднах хашаанаас 250 метрийн дотор” гэж өөрчлөх саналыг тэрбээр оруулж ирсэн юм.

Харин чуулган завсарласнаар уг асуудлыг ирэх долоо хоногийн мягмар гарагт хэлэлцэхээр боллоо. УИХ-ын дарга З.Энхболд тэр болтол намын бүлгүүдийг хурал дээрээ тамхины тухай хуульд өөрчлөлт оруулах хуулийн төслийг ярилцах даалгавар өгсөн юм.