Испаний Реал мадрид клубын хүүхдийн академиас хөлбөмбөгчний карьераа эхлүүлж, эзэн хааны багт 16 жил үнэнчээр хүчин зүтгэж байсан домогт довтлогч Раул Гонзалес Бланко дахин багаа сольсон байна. Тэрээр ирэх улирлаас Хойд америкийн хөлбөмбөгийн лигийн Нью Йорк Космос клубэд тоглохоор болжээ. Раул хамгийн сүүлд Катарын хөлбөмбөгийн лигийн шилдэг багуудын тоонд ордог Ал Садд клубэд хоёр улирлын турш тоглосон. Тэрээр Катарын лигт Ал Садд клубын төлөө 39 тоглолтонд оролцож 11 гоолыг хийсэн билээ. Тэрээр сүүлд тоглож байсан Катарын Ал Садд багийнхаа хамтаар 2012-2013 оны улиралд лигийн аваргаар тодорсон бол 2014 онд Катарын Эмирийн цомыг хүртжээ.
