Засгийн газар өчигдөр ээлжит хуралдаанаа хийлээ. Уг хурлаар шинээр бий болсон болон бүтцийн өөрчлөлтөд орсон яамдын бүтэц, орон тоог хязгаарлан баталсан байна. Мөн Засгийн газрын хэрэгжүүлэгч, тохируулагч агентлагийн талаар авах арга хэмжээг ч хэлэлцжээ. Ерөнхий сайд Мянганы сорилтын сангийн компакт 11 төслийг сайд нарт танилцуулсан бол манай улсад өндөр, дээд төвшинд хэрэгжсэн айлчлалуудын мөрөөр хийж байгаа үйл явцын талаар Гадаад хэргийн сайд Л.Пүрэвсүрэн танилцуулжээ. Энэ тухай албан ёсны мэдээллийг өнөөдөр Засгийн газраас хэвлэлийнхэнд өгөх юм байна.