Шийдлийн Засгийн газрыг бүрдүүлэх үеэр парламентад хоёр суудалтай гэсэн шалтгаанаар ИЗНН-д сайдын албан тушаал оногдоогүй билээ. Харин тэдэнд нэг дэд сайдын суудал өгнө гэж Ерөнхий сайд амалсан гэдэг. Тэгвэл тус нам өөрсдийн ажиллаж байсан Байгаль орчин, ногоон хөгжил, аялал жуулчлалын яаманд дэд сайдаа нэр дэвшүүлжээ. Тодруулбал, “Нар Мон” ХХК-ны захирал М.Хүрэлсүхийг дэд сайдад нэр дэвшүүлсэн байна. Хүмүүс үүнийг тун оновчтой сонголт хэмээн үзэж байгаа аж.