
Нийгмийн бодлого, боловсрол, соёл шинжлэх ухааны байнгын хорооны хуралдаанаар төрийн тусгай албан хаагчдын эмнэлгийг зориулалтаар нь ашиглах шийдвэрийг гаргаж холбогдох ажлын хэсгийг байгуулжээ. Тус эмнэлэг нь Төрийн ордны хажууд байрладаг бөгөөд Хууль зүйн яамны харъяанд байдаг юм. 2012 онд тус эмнэлгийн барилгыг нурааж оронд нь шинэ барилга барьсан. Гэтэл барилгын ажил дуусах үед уг обьектийг эмнэлэг бус оффисын зориулалтаар ашиглах шийдвэрийг Хууль зүйн сайд асан Х.Тэмүүжин гаргасан юм. Түүний гаргасан шийдвэрийг эмнэлгийн ажилчид эсэргүүцэж жагсаал хүртэл зохион байгуулж байсан. Мөн зарим улс төрчид Х.Тэмүүжингийн тус шийдвэртэй санал нийлэхгүй байгаагаа удаа дараа илэрхийлж явсан билээ. Тэгвэл уг маргаан сая нэг шийдвэрлэгдэж тус барилгыг эмнэлгийн зориулалтаар нь ашиглах шийдвэрийг холбогдох байнгын хороо гаргажээ. Мөн тус барилга дотор ашиглагдахгүй удсан олон тэрбумын үнэтэй эмнэлгийн тоног, төхөөрөмж, аппаратуудыг зориулалтаар нь ашиглаж эхлэх нь.

Т.Энхэлээ
Сэтгэгдэл (43)