Ардчилсан намын Гүйцэтгэх зөвлөл тун удахгүй хуралдах гэж байна. Уг хурлаар АН-ынхан дэд сайдад нэр дэвшигчдээ тодруулах аж. Засгийн газар байгуулах зөвшилцлөөр АН-ынхан гурван яамдад дэд сайдын суудал авахаар болсон. Эх сурвалжийн мэдээлж буйгаар Гүйцэтгэх зөвлөлийн хурлаар өнөөдөр хоёр дэд сайдын асуудлыг хэлэлцэх гэнэ. Учир нь Сангийн дэд сайд С.Пүрэвийг хэвээр үлдээхээр шийджээ. Өнөөдөр 16 цагаас Засгийн газар хуралдаж дэд  сайдуудыг үүрэгт ажилд нь томилно. Гүйцэтгэх зөвлөл үүнээс урьтаж шийдвэрээ гаргах ёстой.