Ардчилсан намын Гүйцэтгэх зөвлөл өнөөдөр 15 цагаас хуралдах зарыг гишүүддээ тараажээ. Уг хурлаар Ерөнхий сайд Ч.Сайханбилэгийн Засгийн газарт АН-аас ажиллах дэд сайдуудын нэрийг эцэслэн тодорхой болгох ёстой юм. Хурлаас тодорхой болгосон нэр дэвшигчдээ 16 цагаас хуралдах Засгийн газрын хуралдаанд оруулж батлуулна. Эх сурвалжийн мэдээлж буйгаар АН-ын фракциуд дэд сайдад нэр дэвшигчдээ одоог болтол эцэслэн тохирч чадахгүй байгаа аж. Тэд энэ засагт нийт гурван дэд сайдын суудал авна. Мөн хуучин Сангийн дэд сайд С.Пүрэв ажилдаа үлдэх магадлалтай байгаа гэнэ. Бид АН-ын Гүйцэтгэх зөвлөлийн хуралдааны талаарх мэдээллийг цаг алдалгүй эргэн мэдээллэх болно.