Засгийн газрын өчигдрийн хуралдаанаар Эрүүл мэнд, спортын дэд сайдаар Т.Болдбаатар, Д.Атармаа нарыг тус тус томилсон. Тэгвэл АН-ынхан дэд сайддаа өчигдөр ажлыг нь хүлээлгэж өгөөд өрөө тасалгаанд нь оруулчихсан байна. Харин МАН-ынхан шинэхэн дэд сайд Д.Атармаадаа баяр хүргэх гээд иртэл өрөө ч үгүй, сайдын хүлээлгийн өрөөнд дэд сайдыг хоёр цаг гаруй хүлээгээд сууж байгаа аж. Нэг яаманд, нэг ажлыг л гүйцэтгэхээр томилогдсон дэд сайдыг ингэж ялгаварлах нь хачирхалтай. Эрүүл мэнд, спортын сайд Г.Шийлэгдамба нь дэд сайддаа өрөө гаргаж өгөхгүй зугтаад байгаа сурагтай.