Чуулганаар дөнгөж сая номын сангийн тухай хуулийн төслийн эцсийн хэлэлцүүлгийг хийлээ. Байнгын хорооны санал дүгнэлтийг хууль санаачлагч УИХ-ын гишүүн Ё.Отгонбаяр УИХ-д танилцуулсан юм. Гишүүдэд хуулийн төсөлтэй холбоотой санал дүгнэлт байсангүй. Ингээд байнгын хорооны саналаар номын сангийн тухай хуулийн төслийг батлах нь зүйтэй гэсэн санал хураалт явуулахад нийт гишүүдийн 82,1 хувь нь дэмжлээ. Мөн уг хуулийн төсөлтэй дагалдаж өргөн баригдсан соёлын тухай хуульд өөрчлөлт оруулах тухай хуулийн төслийг ч гэсэн гишүүд дэмжих нь зүйтэй гэж үзлээ.