УИХ-ын өнөөдрийн үдээс хойшхи чуулган дээр Ерөнхий сайд Ч.Сайханбилэгийн мэдээллийг сонсож байна. Ерөнхий сайд өөрийн бодлогын хураагүй томъёололоо танилцуулж дууссан бөгөөд гишүүд Ерөнхий сайдаас Засгийн газрын үйл ажиллагаа болон төсвийн тодотголуудтай холбоотой асуултуудыг асууж, хариулт авч байна. Энэ үеэр УИХ-ын гишүүн Д.Ганбат, Ч.Хүрэлбаатар нар Ерөнхий сайдаас ингэж асуулаа.

УИХ-ын гишүүн Д.Ганбат “Засгийн газраа бүрдүүлээд бүрэн бүрэлдэхүүнээрээ анхны мэдээллээ хийж буйд баярлалаа. Ерөнхий сайд сая их аятайхан зүйл ярьлаа. Таалагдаж байна. Ярьсан бүхнээ хэрэгжүүлээрэй. Мөн Ерөнхий сайд хэлсэ үгэндээ хямрал болж байна гэж хэллээ. Хямрал гэдэг зүйл ганц манайд гэлтгүй хойд хөршид маань ч бас болж байна. Гэхдээ таны хэлсэн үг, хийсэн үйлдэл чинь буруу байна. Арван таван яам 19 сайд, 17 дэд сайдтай болчихлоо. Үүнийгээ яаж тайлбарлах вэ. Яагаад ингэж төрийн албыг танхайлгаад байгаа юм бэ” гэсэн юм.

Харин Ерөнхий сайд Ч.Сайханбилэг “Бид ямар хямрал болж байгаа талаар янз бүрийн маргаан дэгдээж байна. Засаг энэ бүх маргаанаас зайлс хийж алжаа хийх хэрэгтэй. Өнөөдөр төлбөрийн тэнцлийн хямрал болсон байна. Үүнээс үүдэн санхүүгийн хямрал гарч болзошгүй. Магадгүй эдийн засгийн хямралч  гарах магадлалтай. Мөн өнөөдөр олон гишүүн асуух байх үндсэндээ ерөнхий сайдын мэдээллийг ашиглан ирэх оны төсвийн тодотгол ийм байдалтай орж ирнэ шүү гэсэн урдчилсан дохио гэсэн үг. Төрийн албан хаагчдыг 15 хувиар цомхтгоно гэдээ Засгийг газар мэдэгдсэн. Үүнийг их хурал дэмжвэл асуудлыг дор бүр нь  шийднэ.  Төрийн албан хаагчдаа цөөлөхөө мэдэгсэн” гэсэн юм.

УИХ-ын гишүүн Ч.Хүрэлбаатар “Засгийн газраас 2014 оны төсвийн тодотголыг шал худлаа өргөн барьсан. Төсөв нэг их наядаар тасарчихаад байхад 43 тэрбум төгрөгөөр нэмнэ гэж оруулж ирээд батлуулсан шүү дээ. Тэгэхээр үлдэл нь 2015 онд сууна. Хоёрдугаарт нь 15 хувиар цомхтгоно гэдгээ зарласан. Үүнийгээ дэд сайдуудаас эхэл. МАН-тай тохирсон ёсоор гэрээний дагуу үйл ажиллагаагаа явуул. Нэг яаманд хоёр дэд сайд байх шардлагагүй. Хөрөнгө оруулагчид хэнд итгэдэг гээч хэлсэндээ хүрдэг хүнд л итгэдэг юм. Тэгэхгүй бол танд хэн ч итгэхгүй. Хэлж ярих зүйлээ бодож ярь. Ярьсан зүйлээ биелүүл. МАН-тай хийсэн гэрээгээ биелүүлээчээ. Тэр хоёр дэд сайдаа юун түрүүнд чөлөөл. МАН бол зүүний чиглэлийн нам, АН бол барууны чиглэлийн нам.  Үнэхээр таны хэлж буйгаар төлбөрийн тэнцлийн хямрал болж байгаа юм бол хүүхдүүдийн мөнгөн дээр хэмнэлт битгий гарга. Үнэ тогтворжуулах хөтөлбөрөө л анхаар. Танай нам цалин тэтгэвэрийг нэмнэ гэж сонгуулиар хэлсэн. Ардчилсан нам буруугаа хүлээгээд хоёр жил буруу бодлого явуулаад улс орны  эдийн засгийг унаглаа. Одоо үүнийгээ засна гэдгээ хэлэх хэрэгтэй. Төсвийн бодлого мөнгөний бодлогын уялдааг сайн хяна. 2015 оны төсвийн тодотголыг нэгдүгээр сарын 15 наас хойш оруулж ирүүлээрэй. Дээрээс нь хэлсэн ярьсан үгэндээ эзэн болж явах нь Монгол улсад хэрэгтэй шүү” гэсэн юм.

Харин Ерөнхий сайд Ч.Сайханбилэг “2015 онд бид таны хэлсэний дагуу орлого, зардлаа танах хэрэгтэй байна. Би хэлсэн үгэн дотроо хэлсэн. Одоо бид баруун зүүн, танай манай гээд байвал ямарч шийдэлд хүрч чадахгүй. Гэхдээ нийгмийн халамжийн бодлогыг орхигдуулахгүй. Хоёр намын тохиролцсон зүйл дээр үүргээ биелүүлээгүй зүйл байхгүй. Одоо сандал ширээ ярихаа болъё. Бид төсвийн тодотголоо засгийн газрын хүрээнд бэлтгээд удахгүй өргөн барих болно. Цэцэрлэгийн хүүхдүүдийн мөнгийг хасаагүй.  Эцэг эхчүүд нь шаардлагатай гэвэл тал мөнгийг нь нэмж өгөөд явах боломжтой гэсэн шийдвэр гаргасан” гэсэн юм.