Шинээр томилогдсон Ерөнхий сайд танхимдаа ажиллах сайд нараа батлуулж, дэд сайдуудаа өнгөрсөн долоо хоногт томилож дууссан. Тэгвэл одоо яамдын Төрийн нарын бичгийн дарга нарыг томилох явц үргэлжилж байна. Төрийн нарийн бичгийн даргыг төрийн албан хаагчийн хуулиар тодруулах учиртай. Гэхдээ намууд өөрийн хариуцсан яамандаа өөрсдийн хүнээ томилуулахаар хичээж байгаа. Харин Ерөнхий сайд Ч.Сайханбилэг дэд сайд нарыг томилохдоо Гадаад хэргийн яамны Төрийн нарийн бичгийн даргад Б.Болдбаатар, Боловсрол, соёл, шинжлэх ухааны яамны Төрийн нарийн бичгийн даргад Ш.Булга-Эрдэнэ, Барилга, хот байгуулалтын яамны Төрийн нарийн бичгийн дарга Р.Эрдэнэбүрэн, Эрчим хүчний яамны Төрийн нарийн бичгийн даргад Д.Дэлгэрцогт  нарыг улираан томилсон.
                    Ерөнхий сайдын уг томилогоог МАН эсэргүүцэж байсан ч томилгоог хэвээр нь үлдээж үлдсэн гурван яамны ТНБД-ыг энэ ондоо багтааж буюу энэ сарын 30-нд томилохоор болсон гэнэ. Хууль зүйн яамны ТНБД-д Д.Мөрөн /МАН/, Зам тээврийн яамны ТНБД-д Ж.Бат-Эрдэнэ /АН/, Сангийн яамны ТНБД-д С.Магнайсүрэн /МАН/ нарын нэр яригдаж байна. Мөн өөрийн хүсэлтээр ажлаа өгсөн ШӨХТГ-ын даргын суудалд МАН-аас  Б.Цогтгэрэлийг томилохоор хэлэлцэж байгаа ажээ.