Гурван сая дахь иргэн хэзээ төрөх талаар Үндэсний статистикийн газраас мэдээлэл хийлээ. Тус газрын мэдээлж буйгаар Монгол улсын гурван сая дахь иргэн 2015 оны эхээр буюу ирэх сард төрөх гэнэ. Өмнөх жил манай улсад нийт 79780 хүүхэд шинээр мэндэлсэн байна. Энэ нь нэг жилд төрсөн төрөлтийн дээд хэмжээ байсан гэж албаныхан хэлээ. Харин энэ оны эхний арваннэгдүгээр сарын байдлаар дээрх тоо өсөх магадлалтай байгаа гэнэ. Учир нь энэ оны арваннэгдүгээр сарыг өмнөх оны энэ сарынхтай харьцуулахад 1800 орчим хүүхдээр илүү байгаа аж.

Монгол улсын гурван сая дахь иргэн төрөх гэж буйтай холбогдуулан Ерөнхийлөгч Ц.Элбэгдорж зарлиг гарган  холбогдох ажлын хэсгийг гаргажээ.

Мөн гурван сая дахь иргэнийг гурван өрөө байр эсвэл 70 орчим төгрөгтэй тэнцэх мөнгөн шагналаар шагнах юм. Харин гурван сая дахь иргэнтэй хамт төрсөн чацуутнуудыг хот, хөдөөд төрсөн гэлтгүй тус бүр гурван сая төгрөгөөр урамшуулах билээ.