Засгийн газар 2015 оны төсвийн тодотголыг өргөн мэдүүлсэн. Энэ дагуу УИХ дахь нам, эвслийн бүлгүүдийн энэ долоо хоногт хэлэлцэх гол асуудал нь Төсвийн тухай хуульд нэмэлт, өөрчлөлт оруулах тухай хуулийн төсөл байх аж. Өөрөөр хэлбэл, Засгийн газрын бүтцэд өөрчлөлт орж, нэгдсэн яамдууд салж, шинэ яам байгуулагдсан учир төсөвт тодотгол хийх зайлшгүй шаардлага бий болсон.

Төсвийн тодотголд тусгаснаар төсвийн ерөнхийлөн захирагч нар төсвийг дараах байдлаар захиран зарцуулахаар тусгажээ. 

-     Монгол Улсын Ерөнхийлөгчийн Тамгын газар 7.2 тэрбум төгрөг

-     УИХ-ын дарга 27.3 тэрбум

-     Монгол Улсын Үндсэн хуулийн цэцийн дарга 722 сая төгрөг

-     Улсын дээд шүүхийн Ерөнхий шүүгч 3.9 тэрбум

-     Шүүхийн ерөнхий зөвлөлийн дарга 54.7 тэрбум

-     Хүний эрхийн үндэсний комиссын дарга 849 сая

-     Улсын Ерөнхий прокурор 19.2 тэрбум

-     Авлигатай тэмцэх газрын дарга 9.9 тэрбум төгрөгийг зарцуулахаар байна.

Харин Засгийн газрын тухайд:

-     Монгол Улсын Ерөнхий сайд 74.8 тэрбум

-     Монгол Улсын Шадар сайд 110.6 тэрбум

-     ЗГХЭГ-ын дарга 16.9 тэрбум

-     Байгаль орчин, ногоон хөгжил, аялал жуулчлалын сайд 80.2 тэрбум

-     Гадаад хэргийн сайд 54 тэрбум

-     Сангийн сайд 3 их наяд

-     Хууль зүйн сайд 394.4 тэрбум

-     Зам тээврийн сайд 214.1 тэрбум

-     Батлан хамгаалахын сайд 197.5 тэрбум

-     Боловсрол, соёл, шинжлэх ухааны сайд 1.1 их наяд

-     Уул уурхайн сайд 18.3 тэрбум

-     Хүнс, хөдөө аж ахуйн сайд 140.3 тэрбум

-     Хөдөлмөрийн сайд 159.6 тэрбум

-     Хүн амын хөгжил, нийгмийн хамгааллын сайд 370.9 тэрбум

-     Эрүүл мэнд, спортын сайд 624.0 тэрбум

-     Эрчим хүчний сайд 57.6 тэрбум

-     Аж үйлдвэрийн сайд 18.1 тэрбум

-     Барилга, хот байгуулалтын сайд 69.7 тэрбум төгрөгийг тус тус суулгажээ.

Энэ бол төсвийн ерөнхийлөн захирагч нарын захиран зарцуулах төсөв. Харин тэд орлогыг дараах байдлаар төвлөрүүлэхээр төсвийн тодотголд тусгасан байна. УИХ-ын даргын тухайд гадаад тусламжийн орлогоос 2.1 тэрбум төгрөгийн орлогыг оруулах нь. Ерөнхий сайд Ч.Сайханбилэгийн багцад нийт 183.3 тэрбумын орлого бүрдэнэ. Үүнээс Төрийн өмчийн хороо гэхэд 177.4 тэрбумыг төвлөрүүлэхээр тусгажээ.

Засгийн газрын хувьд дараах байдлаар орлого төвлөрүүлнэ:

-Монгол Улсын Шадар сайд 11.6 тэрбум

-ЗГХЭГ 390 сая төгрөг

-Байгаль орчин, ногоон хөгжил, аялал жуулчлалын сайд 13.0 тэрбум

-Гадаад хэргийн сайд 11.1 тэрбум

-Сангийн сайд 3.1 их наяд

-Хууль зүйн сайд 55.5 тэрбум

-Батлан хамгаалахын сайд 42.9 тэрбум

-Боловсрол, соёл, шинжлэх ухааны сайд 4 тэрбум

-Зам тээврийн сайд 108.1 тэрбум

-Барилга, хот байгуулалтын сайд 9.8 тэрбум

-Эрчим хүчний сайд 9.9 тэрбум

-Уул уурхайн сайд 334.9 тэрбум

-Хүнс, хөдөө аж ахуйн сайд 57.2 тэрбум

-Хөдөлмөрийн сайд 82.0 тэрбум

-Хүн амын хөгжил, нийгмийн хамгааллын сайд 4.1 тэрбум

-Эрүүл мэнд, спортын сайд 161.6 тэрбум

-Аж үйлдвэрийн сайд 63.9 тэрбум төгрөгийг тус тус төсөвт төвлөрүүлэх юм байна.