АТГ-т нэр бүхий гишүүдийг шалгуулахаар УИХ-ын гишүүн Х.Баттулга материал бүрдүүлж өгсөн ч түүний хариуд "Нийслэлийн прокурорын газраас хэргийг хаасан" гэх хариу өгчээ. Өнгөрсөн Баасан гаригт ирүүлсэн дээрх мэдэгдэлд Х.Баттулгын мэдэгдэлд дурдагдсан зарим зүйл урьд нь тогтоогдсон байсан гэжээ. Тухайлбал, Тавантолгойн орд газрыг стратегийн тусгай орд газарт хамааруулах шийдвэрийг УИХ-аас гаргасны дараа үүнийг зөрчих замаар Ухаахудагийн тусгай зөвшөөрлийг “Энержи Ресурс” компанид шилжүүлсэн зэрэг нөхцөл байдлууд тогтоогдсон аж. АТГ-аас энэ сарын 5-нд эрүүгийн хэрэг үүсгэсэн ч дараагийн өдөр нь Нийслэлийн прокурорын газраас эрүү үүсгэхээс татгалзжээ. Гэхдээ Х.Баттулгын мэдэгдэлд дурдагдсан зарим асуудлаарх шалгалтыг бүрэн хийж амжаагүй байгааг ч хариу мэдэгдэлд дурдсан байна.