"Айванхоу Майнз", "Оюутолгой" төслийн талаар 513 хуудас бүхий тайлангаа "Рио Тинто"-д танилцуулахдаа Оюутолгойн олборлолт, боловсруулалын өртөг урьд нь тооцоолж байснаас харьцангуй өндөр болохоор байгааг сануулсан байна. Энэ нь "Рио Тинто"-гийн уурыг хүргэсэн хэмээн "BrisbaneTimes" сайтад мэдээлжээ. Дээрх тайланд дурдсанаар уг ордын газар доогуурх олборлолтын хөгжил нь зорилтот хугацаанаас хоцрох төлөвтэй байгааг онцолсон аж. Оюутолгойн бүтээн байгуулалтыг 5.9 тэрбум ам.доллараар босгох тооцоотой байсан ч, 6.2 тэрбум ам.доллар болсон учир нь одоог хүртэл тодорхойгүй байгаа юм.