Манай улсын урд хөршид хээрийн түймэр, ард хөршид ойн түймэр ихээр гарч байна.Өнгөрсөн амралтын өдрүүдэд Өвөрмонголын Шилийн гол аймагт ой хээрийн дөрвөн түймэр гарчээ. Түймэрт хоёр хүн амиа алдаж, найман хүн түлэгдсэн байна. 235 авто машинтай 1500 хүн дайчлагдан ажиллаж түймрийг даржээ гэж хятадын Сянь Хуа агентлаг мэдээлллээ.
Мөн өнгөрсөн долоо хоногт зуухны дотоод даралт хэтэрсний улмаас Шуансин химийн үйлдвэрт осол гарч 16 хүн шархдаж, нэг хүн амиа алджээ.
Буриадад Заиграевскийн раойны Новаильинск тосгонд айлын байшин шатаж зургаан хүн газар дээрээ шатаж үхсэн байна. Хамгийн залуу нь 30 настай, ахмад нь 57 настай, гурван гэр бүлийн зургаан хүн байжээ. Цахилгааны богино холболтоос болж түймэр гарсныг тогтоосон байна.
Сибирийн тайгад 18 түймрийн голомт үргэлжлэн шатаж мянган га газрыг хамраад байна.
