Өнгөрсөн амралтын өдрөөр хүчингийн гурван хэрэг гарчээ. Тус хэргүүд гурвуулаа Сонгинохайрхан дүүргийн нутаг дэсвгэрт үйлдэгдсэн байна. Тодруулбал, тус дүүргийн наймдугаар хороо Их нарангийн шинэ эцэст оршин суух хоёрдугаар ангийн найман настай Б-г сургуулийнхаа талбайн гадна тоглож байхад үл таних 174 см өндөртэй залуу хуурч дагуулан явж хүчинджээ. Тэрээр охиныг айл заагаад мөнгө өгье хэмээн түрүүвчтэй мөнгө үзүүлэн дагуулан явсан байна. Одоогоор хэрэгтнийг эрэн сурвалжилж байгаа аж.
Мөн тус дүүргийн 26 дугаар хороонд оршин суух 38 настай эмэгтэй О-г 04.30 цагийн үед гэрээсээ гарч явахад нь тус дүүргийн иргэн 37 настай Б айлган сүрдүүлж хүчиндсэн байна.
Түүнчлэн тус дүүргийн долдугаар хороонд оршин суух 42 настай эмэгтэй Б-г хамт архи ууж байсан 30 настай эрэгтэй Э хүчинджээ. Тэрээр тус эмэгтэйн дүүгийнх нөхөр нь аж. Энэ мэт хүчингийн хэрэг их үйлдэгдэж байгаа учир эцэг эхчүүдийг бага насны хүүхдээ анхаарлаа хандуулах, мөн ахуйн хүрээний архидалтаа зогсоохыг цагдаагийн байгууллагаас анхааруулж байна.
Б.Чимэг
