Энэ сарын 1-2-нд шилжих шөнө Чингэлтэй дүүрэгт нэгэн ноцтой хэрэг гарсан билээ. Тус дүүргийн 12 дугаар хорооны нутаг дэвсгэрт 43 настай эрэгтэй М-ийг онц хэрцгийгээр амь насаа алдсан байдалтай байхад нь олсон юм. Түүнийг 19 удаа хутгалаад, хэргээ нуун далдлах зорилгоор жорлонгийн нүхэнд хийгээд зугтсан байжээ. Шуурхай удирдлагын төв 102-д өгсөн иргэн Б-ийн дуудлагаар хэргийг илрүүлсэн юм. Харин сэжигтнийг Нийслэлийн хөдөлгөөн эргүүлийн газрын алба хаагчид болон Чингэлтэй дүүргийн цагдаагийн хэлтсийн алба хаагчид хамтран саатуулсан байна. Уг хэрэгт талийгаачийн эхнэрийн төрсөн дүү 31 настай Х-г саатуулжээ.
Тэрээр хоорондын таарамжгүй харьцаанаас үүдэн уг хэргийг үйлдсэн байна. Одоогоор түүнийг цагдан хорьж, сэжигтэн этгээдээр татан, мөрдөн байцаалтын ажиллагааг явуулж байгаа аж.
Б.Чимэг
