УИХ-ын Тамгын газраас гаргасан хуваариар өнөөдөр Төрийн байгуулалтын байнгын хороо 9.30 цагаас, Аюулгүй байдал, гадаад бодлогын байнгын хороо 10 цагаас, Хууль зүйн байнгын хороо 14.30 цагаас хуралдана.
УИХ-ын Тамгын газраас гаргасан хуваариар өнөөдөр Төрийн байгуулалтын байнгын хороо 9.30 цагаас, Аюулгүй байдал, гадаад бодлогын байнгын хороо 10 цагаас, Хууль зүйн байнгын хороо 14.30 цагаас хуралдана. Төрийн байгуулалтын байнгын хорооны хуралдаанаар:
- Орон нутгийн Хурлын сонгуулийн тухай хуульд нэмэлт, өөрчлөлт оруулах тухай хуулийн төслүүд
- Монгол улсын Их хурлын сонгуулийн тухай хуулийн зарим зүйл, заалтын холбогдох хэсэг, Үндсэн хуулийн холбогдох зүйл, заалтыг зөрчсөн эсэх тухай маргааныг хянан шийдвэрлэсэн тухай Үндсэн хуулийн цэцийн дүгнэлт
- Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төслийн талаар хэлэлцэнэ.
Аюулгүй байдал, гадаад бодлогын байнгын хорооны хуралдаанаар:
- Тэсэрч дэлбэрэх бодис, тэсэлгээний хэрэгслийн эргэлтэд хяналт тавих тухай хуулийн шинэчилсэн найруулгын төсөл
- Монгол улсаас гадаадын зарим улстай дипломат харилцаа тогтоох тухай Улсын их хурлын тогтоолын төсөл
- “Зүүн өмнөд Азийн найрамдал, хамтын ажиллагааны гэрээнд өөрчлөлт оруулах тухай гуравдугаар протокол”-ыг соёрхон батлах тухай хуулийн төсөл
- Тусгай хяналтын дэд хорооны даргыг сонгох тухай асуудлаар тус тус хэлэлцэнэ.
Хууль зүйн байнгын хорооны хуралдаанаар:
- Монгол улсын их хурлын сонгуулийн тухай хуулийн зарим зүйл, заалтын холбогдох хэсэг Үндсэн хуулийн холбогдох зүйл, заалтыг зөрчсөн эсэх тухай маргааныг хянан шийдвэрлэсэн тухай Үндсэн хуулийн цэцийн 2012 оны 02 дугаар дүгнэлт
- Эрүүгийн хуульд нэмэлт, өөрчлөлт оруулах тухай, Эрүүгийн байцаан шийтгэх хуульд өөрчлөлт оруулах тухай, Шүүхийн тухай хуульд өөрчлөлт оруулах тухай, Шүүхийн шийдвэр гүйцэтгэх тухай хуулийн зарим зүйлийг хүчингүй болсонд тооцох тухай, Иргэний бүртгэлийн тухай хуульд өөрчлөлт оруулах тухай, Онц байдлын тухай хуулийн зарим зүйлийг хүчингүй болсонд тооцох тухай хуулийн төслүүд
- Авлигын эсрэг хуульд нэмэлт, өөрчлөлт оруулах тухай, Эрүүгийн байцаан шийтгэх хуульд нэмэлт оруулах тухай хуулийн төслүүд
- Хүний эрхийн Үндэсний Комиссын тухай хуульд нэмэлт, өөрчлөлт оруулах тухай, Хүүхдийн эрхийг хамгаалах тухай хуульд нэмэлт, өөрчлөлт оруулах тухай хуулийн төслүүд
- Авлигатай тэмцэх газрын зохион байгуулалтын бүтэц, орон тоог шинэчлэн батлах тухай Улсын их хурлын тогтоолын төсөл
- “Хөрөнгө, орлогын болон хувийн ашиг сонирхлын мэдүүлгийн маягт, түүнийг бүртгэх, хадгалах журам батлах тухай” Хууль зүйн байнгын хорооны тогтоолын төслийн талаар хэлэцэхээр болжээ.
