УИХ болон орон нутгийн сонгуулийг хамт хийх талаар санал зөрөлдөж байгаа МАН, АН-ын гишүүд шийдэлд хүрсэнгүй тул УИХ-ын дарга Д.Дэмбэрэлийн өрөөнд дахин хуралдахаар боллоо. УИХ дахь АН-ын бүлгийн дарга Ч.Сайханбилэг, МАН-ын бүлгийн дарга Ө.Энхтүвшин, байнгын хорооны гишүүд, СЕХ, нийслэлийн ИТХ-ын тэргүүлэгчдийн төлөөлөл болон Д.Энхбат, З.Алтай нарын гишүүд энэ хуралд оролцох юм. Тэд гацаанд ороод байгаа Орон нутгийн сонгуулийг зургаадугаар сард болох УИХ-ын сонгуультай хамтран явуулахыг эсэх талаар зөвлөлдөнө.