УИХ, Орон нутгийн сонгуулийг хамтад нь явуулах тухай хуулийг дөрвөн жилийн өмнө буюу 2007 онд МАН олонх байхдаа баталж байжээ. Энэ тухай АН-ын гишүүд, ИЗНН-ын гишүүд твиттертээ бичиж байна. Хамтатгах бүрэн боломжтой гэсэн ойлголт дөрвөн жилийн өмнө хэвийн байсан бол ажлаа хийдэггүй Засгийн газар өнөөдөр чадахгүй гээд сууж байна гэхчлэн АН-ын гишүүд бичжээ. “Ерөнхий сайд сонгуулийг зэрэг явуулж чадахгүй гэв” хэмээн УИХ-ын гишүүн З.Энхболд хэлэв. Харин Д.Энхбат гишүүн “Орон нутгийн сонгуулийг хамт явуулах боломжгүй байна гэж хотын бүх дүүргийн ИТХ-аас УИХ-д бичиг ирүүлэв. Сонирхолтой нь бүх бичгийг нэг өдөр бичсэн байв” гэжээ.