Он гарснаас хойш нийслэлийн нутаг дэвсгэрт 885 удаагийн объектийн гал түймэр гарсанаас дийлэнх буюу 258 амины орон сууц, 185 ил задгай болон дулааны сувагт хуримтлагдсан хог шатсан дуудлага эзэлж байна. Мөн эзэнгүй хашаа болон айлын хашаанд, нийтийн эзэмшлийн талбайд зэрлэг өвс шатсан 22 тохиолдол гарчээ. Үүнээс үзэхэд гал түймрийн шалтгаан нөхцөл нь иргэд олон нийтийн санамсар болгоомжгүй, хараа хяналтгүй байдлаас хамааралтай болох нь харагдаж байна.
Гал түймрийн улмаас 14 хүн нас барж, 13 хүн түлэгдэж гэмтэн, аж ахуй нэгж байгууллага, иргэдэд 1 тэрбум 582 сая 665 мянга 841 төгрөгийн хохирол учирч, гал түймрийн аюулаас 44 хүний амь бие, аж ахуй нэгж байгууллага, иргэдийн 4 тэрбум 823 сая төгрөгийн эд хөрөнгө, 180 барилга, байгууламжийг авран хамгаалж ажиллажээ.
Б.Чимэг
