Аж үйлдвэрийн сайд Д.Эрдэнэбат энэ салбарын хууль эрх зүйн орчныг сайжруулах болон үйлдвэрлэлийг хөгжүүлэх чиглэлээр хийж байгаа ажлуудаа танилцуулж, сэтгүүлчдийн асуултад хариуллаа.

Монгол улсын эдийн засгийн хүндрэлд нөлөөлсөн статистик тоон үзүүлэлтүүд дээр тулгуурласан аж үйлдвэрийн бодлого, түүнийг дагасан стратеги бодлого төвөлөлт, аж үйлдвэрийн байршлын зураглал буюу хөгжлийн бүсийн тухай асуудлыг Аж үйлдвэрийн яам нэн тэргүүний бодлого болгон гаргасан. 2014 онд Монгол улс 5,2 тэрбум ам.долларын бараа бүтээгдэхүүнийг гаднаас импортоор авч хэрэглэжээ. Нийт импортын 28 хувийг шатахуун, 30 хувийг машин, механизм түүний эд анги, 10 хувийг төмөр хийц эдлэл эзлэж байна. Харин нийт экспортын дотор аж үйлдвэрийн бүтээгдэхүүний эзлэх хувь хэмжээ 0 байна. Эдийн засагт улс төр байхгүй, харин ганцхан бодит тоо л байгаа. Энэ тоон дээр тулгуурласан эдийн засгийн болон үйлдвэржилтийн бодлого байх ёстой гэж Аж үйлдвэрийн сайд Д.Эрдэнэбат хэллээ.

Аж үйлдвэрийн яам байгуулагдсанаасаа хойш суурь бодлогоо тодорхойлж, салбарын хууль эрх зүйн орчныг сайжруулах чиглэлээр хэд хэдэн хуулийн төсөл боловсруулан Засгийн газраар хэлэлцүүлж, УИХ-д өргөн барьжээ. Чөлөөт бүсийн тухай хуулийг УИХ-аар батлуулснаар Замын-Үүд болон Алтанбулагийн чөлөөт бүс, хил орчмын худалдаа, тарифын хөнгөлөлтийн асуудлаар хөрш орнуудтай яриа хэлэлцээ хийж, ажлын хэсэг гарган шуурхай ажиллах болсон тухай Аж үйлдвэрийн сайд хэллээ. Худалдааны тухай хуулийн төслийг боловсруулан Засгийн газраар хэлэлцүүлэн УИХ-д өргөн барихаар шийдвэрлэлээ. Жижиг, дунд үйлдвэрийн тухай хуулийн шинэчилсэн найруулгын төсөл боловсруулах ажлын хэсэг байгуулан хуулийн үзэл баримтлалыг Засгийн газрын хуралдаанаар хэлэлцүүлж батлуулсан байна.

Үйлдвэржилтийг дэмжих зорилтын хүрээнд ажлын байр бий болгох зорилгоор жижиг, дунд үйлдвэрийн хөнгөлөлтэй зээлийн эх үүсвэрт шаардагдах 70.0 тэрбум төгрөгийн санхүүжилтийг шийдвэрлэжээ. Экспортыг нэмэгдүүлэх, импортыг орлох бүтээгдэхүүний үйлдвэрлэлийг дэмжих зорилгоор санхүүжүүлсэн төслүүд дотор үр ашигтай ажиллаж байгаа үйлдвэр олон байгааг сайд хэлээд эдгээрийн дундаас монголд анх удаа хадаас хийж байгаа үйлдвэрийг онцоллоо. Газрын тос боловсруулах үйлдвэр байгуулах ажлыг эрчимжүүлэх тухай Засгийн газрын тогтоол батлуулснаар зүүн болон говийн бүсэд нефть боловсруулах үйлдвэр байгуулах шийдвэр гаргуулсан. Энэ хоёр байршилд урьдчилсан техник, эдийн засгийн үндэслэл боловсруулж, байгаль орчны үнэлгээг тогтоох ажлын хэсэг байгуулан ажил эхлүүлснээр ирэх намар нефтийн үйлдвэр байгуулах сонирхолтой хөрөнгө оруулагчдад санал тавихад бэлэн болно гэлээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

АНУ Иракын Тикрит хотод “Исламын улс”-тай тэмцэх агаарын дайралтуудаа эхлүүлжээ. Энэхүү цэргийн ажиллагааг Иракын ерөнхий сайд Хайдер ал-Абадигийн хүсэлтээр хийж байгаа юм.

Honeymoon хамтлагийн шинэ уран бүтээл ”Хайр иймэрхүү”

“Рио Тинто” группын гүйцэтгэх захирал Сэм Уолш Монголд ирэхээр болжээ. Энэ нь Оюутолгой компани өнгөрсөн онд нэг сая тонн баяжмал олборлосонтой холбоотой аж.

Согтуугаар тээврийн хэрэгсэл жолоодсон 52 иргэнийг журамлажээ

Манай урлаг соёлын бүсгүйүчүүд гэрийн нөхцөлд үсээ хэрхэн арчлах, гоо сайхнаа аврах энгийн аргуудыг охид бүсгүйчүүддээ хуучилдаг болоод байгаа. Энэ удаад ”Мөрөөдлийн театр” залуу жүжигчин О.Дөлгөөн нүүр будах аргуудаасаа танилцууллаа.

Шударга өрсөлдөөн хэрэглэгчийн төлөөх газрын дарга Т.Аюурсайхан өчигдөр нийслэлийн Засаг дарга болон НИТХ-ын тэргүүлэгчдийг хууль, дүрэм зөрчиж хууль бус шийдвэр гаргасан талаар мэдээлсэн юм. Тэрбээр автомашинаа 70-80 мянган төгрөгөөр ачуулсан хүмүүс төлсөн мөнгөө шүүхэд хандан олж авах боломжтой, харин одоо 55000 төгрөг хурааж байгаа нь ЦЕГ-аас гаргасан тушаалын дагуу болохоор хууль ёсных, хураалгасан хүмүүс гомдол санал гаргах ёсгүй гэсэн юм. Үүнтэй холбоотойгоор НЗДТГ-ын Хууль эрх зүйн хэлтсийн дарга С.Отгонгэрэл, НИТХ-ын Зохион байгуулалтын хэлтсийн дарга Б.Алтансоёмбо нар мэдээлэл хийж, тайлбар өгсөн байна.

Тэд хэлэхдээ “Замын хөдөлгөөний ачааллыг бууруулах зорилгоор тээврийн хэрэгслийг зөөж, шилжүүлэх, төлбөр хураамж авах үйл ажиллагааг хэрэгжүүлэхийг даалгасан Нийслэлийн Засаг даргын захирамж, Нийслэлийн хэмжээнд замын хөдөлгөөний зохиомол түгжрэлийг бууруулах зорилгоор “Зориулалтын дугуй түгжигч ашиглах” НИТХ-ын тогтоол нь хууль, дүрэм зөрчөөгүй, хуулийн дагуу бүрэн эрхийн хүрээнд хийгдсэн. Мөн аливаа аж ахуй нэгж байгууллагыг ялгасан, Өрсөлдөөний тухай хууль зөрчсөн юм байхгүй” гэв. Мөн энэ асуудлаар Захиргааны хэргийн шүүхийн шийдвэр гарсны дараа хууль зөрчсөн эсэх нь тодорхой болно гэлээ.

Шударга өрсөлдөөн хэрэглэгчийн төлөө газар зориулалтын чирэгч автомашин ашиглан тээврийн хэрэгслийг зөөж шилжүүлэх болон дугуй түгжихтэй холбоотой Нийслэлийн Засаг дарга болон Нийслэлийн иргэдийн төлөөлөгчдийн хурлын шийвэр хууль тогтоомжид нийцэж байгаа эсэхэд хяналт шалгалт хийжээ.
Шалгалтад Цагдаагийн Ерөнхий газар, Нийслэлийн Засаг дарга, түүний тамгын газар, Нийслэлийн иргэдийн төлөөлөгчдийн хурал, “Замын хөдөлгөөний удирдлагын төв” НӨҮГ болон тээврийн хэрэгсэл зөөж шилжүүлэх, дугуй түгжих үйл ажиллагаа эрхэлдэг аж ахуйн нэгжүүд хамрагдсан байна.
Шалгалтаар Нийслэлийн иргэдийн төлөөлөгчдийн хурлын тэргүүлэгчид нь хууль тогтоомж зөрчиж, журам батлан гаргах замаар тээврийн хэрэгслийн дугуйг түгжих үйл ажиллагаа эрхлэх зөвшөөрлийг аж ахуйн нэгжүүдэд олгож, төлбөр хураалгасан нь тогтоогдсон байна.
Түүнчлэн Нийслэлийн Засаг дарга нь “Замын хөдөлгөөний удирдлагын төв” НӨҮГ-т хууль тогтоомж зөрчиж, тээврийн хэрэгслийг зөөж, шилжүүлэх үйл ажиллагааг явуулах, төлбөр хураамж авах эрх олгосон зэрэг зөрчил илэрчээ.
“Замын хөдөлгөөний удирдлагын төв” 2013-2014 онд 9230 тээврийн хэрэгслийг 70,000-80,000 төгрөгөөр зөөн шилжүүлж, 600 сая гаруй төгрөгний үйлчилгээний хураамжийг хууль бусаар хураан авч, нийслэлийн төсөвт төвлөрүүлжээ. Харин энэхүү хууль бус үйлдлийг өнгөрсөн оны 11 дүгээр сараас 55,000 төгрөг байхаар тогтоож дээрх зөрчлийг арилгасан байна.
Нийслэлд тээврийн хэрэгслийг түр саатуулах байр байгуулж ажиллуулах, зориулалтын чирэгч, ачигч автомашинаар зөөж шилжүүлэх үйл ажиллагаа эрхлэх 15 аж ахуйн нэгж гэрээний дагуу үйл ажиллагаа явуулдаг аж.
Тэд өөрсдийн орлогын 10 хувийг нийслэлийн төрийн санд шилжүүлнэ гэж заасны дагуу өнгөрсөн онд 8448, энэ оны 2 дугаар сарын 28-ны байдлаар 3298 тээврийн хэрэгслийн дугуйг түгжиж, нийт 200 гаруй сая төгрөгний орлого олжээ. Гэвч түүнийхээ 82 хувийг л нийслэлийн төсөвт төвлөрүүлсэн болох нь шалгалтаар тогтоогдсон байна.
Тиймээс ШӨХТГ-аас зөрчил гаргасан этгээдийн дээд шатны байгууллагад зөрчлийг арилгахыг үүрэг болгох саналыг хүргүүлсэн аж. Мөн зөрчлийн шалтгаан нөхцлийг арилгах арга хэмжээ авах талаар холбогдох байгууллагуудад санал хүргүүлэх, зөрчил гаргасан албан тушаалтнуудад өрсөлдөөний тухай хуульд заасны дагуу захиргааны шийтгэл ногдуулахаар болсон байна.

Бээжинд суугаа Монгол улсын консул ажлын хариуцлага алдлаа

Өнгөрсөн оны 12 дугаар сард Монгол Улсын иргэн Г.Сарангэрэл Дүүргийн иргэний хэргийн анхан шатны 1-р шүүхэд нэхэмжлэл гаргаж, УИХ-ын гишүүн О.Баасанхүүгээс тэрбум төгрөг нэхэмжилсэн билээ. Шүүх О.Баасанхүүд холбогдох хэргийг өчигдөр хэрэгсэхгүй болгосон байна.

Нийслэлийн нутгийн захиргааны байгууллагуудаас зарласан төрийн жинхэнэ албан тушаалын дэс түшмэлийн сул орон тоог нөхөх иргэнийг сонгон шалгаруулах мэргэшлийн шалгалтад орохыг хүссэн иргэдийг Нийслэлийн нутгийн захиргааны 3 дугаар байр буюу “Улаанбаатар хотын Бизнес хөгжлийн төв”-ийн байранд /Зоос гоёлын үйлдвэрийн замын урд талд/ 2 дугаар давхрын үзэсгэлэнгийн танхимд 2015 оны 04 дүгээр сарын 28-ны өдрийн 09.00-13.00, 14.00-17.00 цагийн хооронд бүртгэнэ.

Шилэн дансны тухай хуульд заасан зарим заалтыг хэрэгжүүлэх, нийслэлийн нутгийн захиргааны байгууллагын удирдах болон гүйцэтгэх албан тушаалтнуудыг авлигаас ангид, нээлттэй ил тод байх зарчмыг баримтлах зорилготойгоор үйл ажиллагаа явуулж байна.

2015 оны 03 дугаар сарын 26-ны өдрийн гадаад валютын дуудлага худалдаагаар банкууд 0.2 сая ам.долларыг 1990.0 төгрөгийн ханшаар худалдан авах, 3.5 ам.долларыг 1990.0-1995.0 төгрөгийн ханшаар худалдах санал иүүлсэн бөгөөд Монголбанк энэ удаагийн арилжаанд оролцоогүй болно. Юанийн дуудлага худалдаагаар юань худалдах, худалдан авах санал ирүүлээгүй.

Зүүн Украинд зорчигч тээврийн автобус тэсрэх бөмбөг дээгүүр гарснаар дөрвөн хүн амиа алдаж, 19 хүн гэмтэж бэртжээ.

Саудын Араб улс Йеменд өмнөд хэсгийг эзлэхээр заналхийлж буй Хоуди Шиа босогчдын эсрэг цэргийн үйл ажиллагаа зохион байгуулж байна. Уг үйл ажиллагаанд агаарын дайралтууд багтсан хэмээн АНУ дахь Саудын элчин сайд мэдээлжээ.

Уганда улс дахь АНУ-ын элчин сайдын яамнаас барууныханд, ялангуяа америкчууд нийслэл Кампала хотод террорист халдлагын бай болох магадлал өндөр байгааг анхаарууллаа.

“Гэгээн муза-2015” наадам шилдгүүдээ тодруулна

Thursday, Mar 26 2015
Бичсэн Болор

Хэвлэх Email
“Гэгээн муза-2015” наадам шилдгүүдээ тодруулна

Драмын урлагийн шилдгүүдийг тодруулдаг “Гэгээн Муза-2015” наадам ирэх тавдугаар сарын 17-23-нд болно.

Өнгөрсөн оны 12 дугаар сард Ереван хотноо болсон Олон улсын театрын институтийн 34 дүгээр их хуралд тус байгууллагын Монгол дахь төвийн Ерөнхийлөгч, Ардын жүжигчин С.Сарантуяа, боловсролын хорооных нь тэргүүн, Ардын жүжигчин, Төрийн шагналт Н.Сувд нар оролцож, “Гэгээн муза” наадмыг Олон улсын наадамд албан ёсоор бүртгүүлжээ. Наадамд Швейцарь, БНХАУ, Уганда, Эстони, Косово, БНСУ-аас уран бүтээлчид оролцохоор мэдэгджээ.

Бүтээлүүдийг хүүхдийн, ганц хүний, драмын, дуулалт жүжиг гэсэн ангиллаар шүүх юм. Наадмын шүүгчээр “Би Эдип Пиаф байна” жүжгийн зохиолч Нина Мазур оролцохоор болжээ. Тэрбээр энэ үеэр ганц хүний жүжгийн зохиол хэрхэн бичих талаар зөвлөгөө өгөх гэнэ. Мөн Герман, Орос, Косово улсаас шүүгчид ажиллах юм. Одоогийн байдлаар тус наадамд хот, хөдөө орон нутаг, олон улсаас 47 бүтээл ирүүлжээ.

”MC COLLECTION” хамтлагийн Реппер MB бие даасан уран бүтээлээ туурьваад чамгүй амжилтай яваа дуучин билээ. Өөрийн Хавсарна нэртэй Цомог, тоглолтыг өргөн барьхад бэлэн болоод байгаа тэрбээр саяхан цоо шинэхэн Уран бүтээл ”Хагацая даа” дуундаа Клип хийж дуусжээ. Тэрбээр энэхүү шинэ дуугаа залуу уран бүтээл ч Лодкотой хамтран дуулсан байна. Нийгмийн эмзэг асуудал болж байгаа салалтын тухай энэхүү дуундаа залуу үеийн төлөөлөл маань дурьдсан байна.

Хүнс, хөдөө аж ахуйн сайд Р.Бурмаа Евразийн эдийн засгийн комиссын Зөвлөлийн гишүүн хатагтай Т.Д.Валовая-г хүлээн авч уулзлаа.

Дэлхийн хамгийн хуурай цөлийн бүсүүдийн нэг болох Чилийн Атакама цөлийн бүс гэнэтийн үерт автжээ.