Өнгөрсөн долоо хоногт болж өнгөрсөн онцлох үйл явдлуудаас хүргэж байна.
НИЙТ 35 МЯНГАН ОЮУТАН, ХӨГЖЛИЙН ЗЭЭЛД ХАМРАГДАХ БОЛОМЖТОЙ
Энэ оны тавдугаар сарын нэгний өдрөөс оюутнуудад олгож эхэлсэн оюутны хөгжлийн зээлд энэ жил 75 тэрбум төгрөг төсөвлөжээ. Энэ нь ойролцоогоор 35 мянган оюутан зээлд хамрагдах боломжтой гэсэн үг юм байна.
НАМУУДАД БАТЛАМЖ ГАРДУУЛЛАА
Сонгуулийн ерөнхий хорооны 2018 оны наймдугаар сарын 09-ний өдрийн хуралдаанаар Монгол Улсын Их Хурлын сонгуулийн 42 дугаар тойргийн нөхөн сонгуульд оролцуулахаар 13 намыг бүртгэж, батламж олгохоор шийдвэрлэсний дагуу өнөөдөр буюу наймдугаар сарын 10-ны өдөр эдгээр намуудад Сонгуулийн ерөнхий хорооны шийдвэрийг батламжийн хамт гардууллаа.
УИХ-ЫН ДАРГА М.ЭНХБОЛД ДЭЛХИЙН БАНКНЫ ТӨЛӨӨЛӨГЧДИЙГ ХҮЛЭЭН АВЧ УУЛЗАВ
Монгол Улсын Их Хурлын дарга М.Энхболд өнөөдөр (2018.08.07) Дэлхийн банкны Бээжинд суух Зүүн Ази, Номхон далайн бүс нутгийн Хятад, Монгол, Солонгос улсыг хариуцсан захирал ноён Берт Хофман тэргүүтэй төлөөлөгчдийг хүлээн авч уулзлаа.
ОУВС-ААС ӨРГӨТГӨСӨН САНХҮҮЖИЛТИЙН ХӨТӨЛБӨРИЙН ХЭРЭГЖИЛТИЙН IV ШАТНЫ ҮНЭЛГЭЭГ ХИЙЛЭЭ
Олон улсын валютын сан (ОУВС) Монгол Улстай хамтран “Өргөтгөсөн санхүүжилтийн хөтөлбөр”-ийг хэрэгжүүлэхээр тогтсон билээ.
ТАВАНТОЛГОЙ-ГАШУУНСУХАЙТ ЧИГЛЭЛИЙН АВТОЗАМЫН ЭВДРЭЛИЙГ ЗАСАВ
Их хэмжээний аадар бороо үргэлжлэн орж, үерийн аюул нүүрлэснээс Тавантолгой-Гашуунсухайт чиглэлийн автозамд эвдрэл үүсч, нүүрсний тээвэр хийхэд эрсдэлтэй болсон. “Гашуунсухайт автозам” ХХК-ийн гүйцэтгэх захирал Ц.Болдоор ахлуулсан ажлын хэсэг газар дээр нь очиж, шуурхай арга хэмжээ авсны үр дүнд автомашинууд уртын тээвэрлэлт хийх боломж бүрдээд байна.
НИЙТИЙН ТЭЭВРИЙН ХЭРЭГСЛИЙН УТААНААС ЯЛГАРАХ ТОРТГИЙН ХЭМЖЭЭГ БУУРУУЛАХААР АЖИЛЛАЖ БАЙНА
Монгол улсын Засгийн газрын 2017 оны 98 дугаар тогтоолоор “Агаар, орчны бохирдлыг бууруулах үндэсний хөтөлбөр”, БОАЖ-ын Сайдын 2017 оны А/107 дугаар тушаалаар “Агаар, орчны бохирдлыг бууруулах үндэсний хөтөлбөрийг хэрэгжүүлэх арга хэмжээний төлөвлөгөө”-г тус тус батлан хэрэгжүүлж эхлээд байна. Дээрх хөтөлбөрийн хүрээнд Японы Олон Улсын Хамтын Ажиллагааны байгууллага (JICA)-ын Жижиг, дунд үйлдвэрийг гадаадад хөгжүүлэх төслийн хүрээнд “Нийтийн тээврийн автобусанд дизелийн тортгийн шүүлтүүр (DPF) тавьж хөө тортгийн ялгарлыг бууруулах арга хэмжээг баталгаажуулж, нэвтрүүлэх төсөл”-ийг ЗТХЯ болон НЗДТГ-тай хамтран 2017-2019 оны хооронд хэрэгжүүлж байна.
СЭЖИГТЭН Б.МАХБАЛ, Ж.БАТ-ЭРДЭНЭ САЙДЫН ОЙРЫН ХҮН БАЙЖЭЭ
Сүхбаатар дүүргийн нэгдүгээр хороонд байрлах Зам, тээврийн яамны гадна өчигдөр хүн амины хэрэг гарсан. Цагдаагийн ерөнхий газрын мэдээлснээр өчигдөр 21.45 цагийн үед 102 дугаарын утсанд уг мэдээлэл иржээ. Үүний дагуу Сүхбаатар дүүргийн Цагдаагийн нэгдүгээр хэлтсийн жижүүр бүрэлдэхүүн үзлэг шалгалт хийж байгаа юм.
ХАМТАРСАН БАГ ТАРВАГАН ТАХЛЫН ТАНДАЛТ, СУДАЛГАА ХИЙЛЭЭ
Зоонозын өвчин судлалын үндэсний төв, Баян-Өлгий аймгийн ЗӨСТ, ОХУ-ын Эрхүү хотын Сибирь, Алс Дорнодын тарваган тахал эсэргүүцэн судлах эрдэм шинжилгээний хүрээлэн, Уулын-Алтайн тарваган тахал эсэргүүцэн судлах станцын мэргэжилтэнүүдээс бүрдсэн баг Баян-Өлгий аймгийн Улаанхус, Цагааннуур, Ногооннуур сумдын хил орчмын нутагт тарваган тахлын байгалийн голомтын тандалт судалгаа хийлээ.
ДАРХАН-УУЛ АЙМАГТ МАЛЫН ГАЛЗУУ ӨВЧИН ИЛЭРЛЭЭ
Энэ сарын 2-ны өдөр Дархан-Уул аймгийн Орхон сумын Бүрэн толгой буюу Энхтал багийн малчин Б-н хоёр үхэр галзуугийн шинж тэмдгээр өвчилсөн байна. Өвчилсөн малаас аймгийн мал эмнэлгийн лаборатори, улсын Мал эмнэлгийн ариун цэврийн төв лабораторид дээж өгч энэ сарын 6-ны өдөр малын галзуу өвчин болох нь тогтоогджээ.
Б.БАХЫТГҮЛ: БИ Д.МУРАТТАЙ ХЭЗЭЭ Ч ТОХИРОЛЦОХГҮЙ
УИХ-ын гишүүн Д.Муратад холбогдох хэргийн шүүх хурал өчигдөр Баянзүрх дүүргийн анхан шатны шүүхэд боллоо. Шүүх хурлаар Д.Мурат болон түүний жолооч М.Елузаг нарт холбогдох хэргийг хэрэгсэхгүй болгож цагаатгасан юм. Ингээд Б.Бахытгүл болон түүний өмгөөлөгч Я.Яъезд нараас шуух хурлын дараа авсан тодруулгыг хүргэе.
Б.Лхам
