Бөхийн төрлүүдийн 23 хүртэлх насны ДАШТ Румыний нийслэл Бухарестэд үргэлжилж байна. Чөлөөт бөхийн төрөл өнөөдөр эмэгтэйчүүдийн жингийн ангиллаар эхэллээ. Эхний өдөр эмэгтэйчүүдийн 50, 55, 59, 68, 76 килограммын жингийн урьдчилсан болон хагас шигшээ барилдаан болж, 50 кг-д өсвөр үеийн ДАШТ-ий мөнгө, залуучуудын Азийн АШТ-ий мөнгө, хүрэл, насанд хүрэгчдийн УАШТ-ий алт, мөнгө, хүрэл медальт, “Хасу-Мегастарс” клубийн тамирчин ОУХМ Цогт-Очирын Намуунцэцэг хүрэл медалийн төлөө барилдахаар боллоо.

Тэрбээр үдээс өмнө нь эхний даваанд БНХАУ-ын Шуан Лиюаныг 8:7-гоор, АНУ-ын Коди Маэ Пфауг 15:4-өөр тус тус ялсан. Тэгвэл дөнгөж сая хагас шигшээд залуучуудын дэлхийн дэд аварга, өсвөр үеийн ДАШТ-ий медалийн иж бүрэн цуглуулгатай ОХУ-ын Надежда Соколовад 6:8-гаар ялагдснаар маргааш медальтай үлдэх эсэхээ шийдэх барилдаанаа хийнэ.