Нийслэлийн мэргэжлийн хяналтын газраас агаарын бохирдлыг бууруулах чиглэлээр хийж буй арга хэмжээний талаар танилцууллаа.
Сургууль, цэцэрлэгийн дотод орчны агаарт агуулагдах тоосонцрын бохирдлын дундаж түвшин hоногийн тэмцэх хэмжээнээс 1.9 дахин их байдгийг судалгаагаар тогтоосон байдаг. Агаар цэвэршүүлэгчийг хэрэглэснээр pm2.5 тоосонцрын хэмжээг 3.2 дахин бууруулдаг болох нь тогтоогджээ. Тиймээс агаар цэвэршүүлэгч зөв хэрэглэж хэвшсэнээр томуу, томуу төст өвчнөөс урьдчилан сэргийлэх бүрэн боломжтой байдгийг хэлж байна.
Мөн нийслэл хотод замын хөдөлгөөнд оролцож байгаа дизель автомашинуудаас ялгарч байгаа утааны тогтворжилтийн хэмжээг АТҮТ болон Тээврийн Цагдаагийн албатай хамтран шалгалт явуулж байгаа юм байна. Хяналт, шалгалтад 17 аж ахуй нэгж, байгууллагын 233 том оврын автобус хамрагджээ. Үүнээс 133 буюу 58 хувь стандартын шаардлага хангахгүй дүн гарчээ. Илэрсэн зөрчлийг арилгуулахаар тус байгууллагуудад үүрэг өгчээ.
Нийслэлийн агаарын чанарыг сайжруулах бүс, түүнд мөрдөх дэглэмийг баталсан байдаг. Уг дэглэмд БОАЖ-ын сайд болон нийслэлийн Засаг даргын хамтарсан захирамж тушаалаар өөрчлөлт оржээ. Тодруулбал, нийсллэийн агаарын чанарыг сайжруулах нэг ,хоёр, гурав, дөрөвдүгээр бүсэд тус тус хуваагдсан бол гуравдугаар бүсэд өмнө нь найман хороо хамаарагддаг байсныг зөвхөн Гандан орчмын хэсэг буюу Баянгол дүүргийн 16 дугаар хороо хамаарахаар заажээ. Хоёрдугаар бүсэд байрлах ТҮЦ, авто угаалгын төв, үйлчилгээний газруудын дулааны эх үүсвэрт түүхий нүүрс түлэхийг хориглосон байна. Нэгдүгээр бүсэд орон байрны агаарын чанарыг сайжруулах, урьдчилан сэргийлэх зорилгоор сургууль, цээцрлэг, эмнэлгийн байгууллагуудад агаар шүүгчийг үе шаттайгаар байрлуулах өөрчлөлтүүд орсон аж.
Түүнчлэн инженерийн төвлөрсөн системд холбогдоогүй ариун цэврийн байдалд хяналт, шалгалт хийжээ. Шалгалтад хамрагдсан байгууллагуудын 80 орчим хувь нь гаднаа энгийн ариун цэврийн байгууламжтай байсан талаар Эрүүл ахуй, халвар хамгааллын хяналтын улсын байцаагч Ч.Цолмон ярьлаа. Тэрбээр “хальсан, дүүрсэн 21 жорлонд ариутгал, халдваргүйжуулалтын хэмд буулгаад, стандартын жорлоноор солиуллаа. Мөн Зөрчлийн тухай холбогдох заалтуудад үндэслэн захиргааны авсан. Хөрсний даацаас хэтрүүлж барьсан ариун цэврийн байгууламжууд хөрсний бохирдол үүсгэхээс гадна хөрсний усыг бохирдуулдаг аюултай байдаг. Иймээс энгийн нүхэн жорлон ашиглаж байгаа байгууллага, иргэдийг нүхэн жорлоноос татгалзъя” хэмээн уриаллаа.
Б.Лхам
