Боловсролын салбарт ажиллагсад ар ажлын онцлогоосоо хамааран илүү цагаар ажилладаг.

Харин Засгийн газраас 2018  оны арванхоёрдугаар сарын 19-ний илүү цагаар ажиллуулахыг хориглосон тогтоол гаргаж, илүү цагаар ажилласан хөлсийг олгохгүй байхаар тусгасан байдаг. Гэвч уг тогтоолоос үүдэн олон асуудал урган гарч байгаа тул БСШУ-ны Үйлдвэрчний эвлэлийн холбооноос эсэргүүцэж байгаа талаар мэдэгдлээ.

Тэдний зүгээс дээрх тогтоолтой холбоотойгоор Засгийн газраас яаралтай тохиролцох шаардлагатай гэлээ. Учир нь Засгийн газар аливаа тогтоол гаргахдаа үйлдвэрчний эвлэлтэйгээ зөвшилцөхгүйгээс үүдэн нийгэмд сөрөг зүйл их гарч байна. Тухайлбал, болоьсролын салбарт хөдөлмөр эрхэлж байгаа иргэд Засгийн газар хүнхий эрхийг зөрчиж байна. Цалин нэмлээ гэдэг ч эргээд цалингийн нэмэгдэл, урамшууллыг нь хасчихдаг. Ингээд л өмнө хэдэн төгрөгийн цалин гар дээрээ авч байсан яг л хэвээрээ байдаг. Ийм шийдвэрийг гаргаж болохгүй гэдгийг үйлдвэрчний эвлэлийн гишүүд хэлж байгаа юм. Мөн төрийн албаны тухай хуулийн шинэчлэлтэй холбоотойгоор тэтгэвэрт гарахдаа авах тэтгэмжийг асуудал, урамшуулалтай холбоотой тогтоол гарсан. Өөрөөр хэлбэл, энэ салбарт ажиллагсдын эрх ашгийг хөндсөн шийдвэр их гарсан. Энэ нь өмнөх хүрсэн түвшингээс дордсон, хуулинд нийцээгүй шийдвэр гаргаж байгаа талаар онцолж байна.  

Хүн хийсэн ажилдаа тохирох цалин авах эрхтэй. Тиймээс уг асуудлыг яаралтай шийдвэрлэхгүй бол тэмцлийн дараагийн хэлбэрт шилжихэд бэлэн байгаагаа хэллээ.

Б.Лхам