Төв цэвэрлэх байгууламжийн есөн ажилтан хордож, дөрвөн ажилтан лаганд живж нас барсан харамсалтай хэрэг өчигдөр гарсан. Үүнтэй холбогдуулан нийслэлийн Засаг даргын захирамжаар ажлын хэсэг байгуулагдсан юм. Тус ажлын хэсгээс хэргийн талаар мэдээлэл өглөө.
Нийслэлийн Засаг даргын нэгдүгээр орлогч Ж.Батбаясгалан “Ажлын хэсгээс ослын шалтгааныг тогтооход холбогдох байгууллагуудад дэмжлэг үзүүлж ажиллана. Мөн осолдсон иргэдийн ар гэрт дэмжлэг үзүүлэхээр ажиллаж байна.
Ослын шалтгааныг тогтоохоор мөрдөн шалгах ажиллагаа хийгдэж байна. Төв цэвэрлэх байгууламжийн түүхий лаг шахах насосны станцыг хэвийн горимд оруулахаар ажиллаж байна. Энэ хүрээнд насосны станцад хуримтлагдсан лагийг соруулж цэвэрлэж байна. Тодруулбао, нийт 50-60 см зузаан лаг үүссэн. Үүнийг татан зайлуулах шаардлагатай. Хуримтлагдсан лаг өтгөн байгаа тул шингэлж зайлуулах ажил үргэлжилж байна.
Хэвлэл мэдээллээр тунгаагуур, бассейнд осол гарсан мэтээр ташаа мэдээлэл хүргэж байгааг залруулсан. Ерөнхий сайд У.Хүрэлсүх ажил үүргээ гүйцэтгэж байгаад амиа алдсан ажилтнуудын ар гэрийнхэн эмгэнэл илэрхийлсэн. Нийслэлийн удирдлагууд мөн гүн эмгэнэл илэрхийлж байна.
Хортой бодист хордсон таван иргэн Цэргийн төв эмнэлгийн Хордлогын тасагт эмчлүүлж байна. Эдгээр иргэдэд сэтгэл заслын эмчилгээ үйлчилгээ үзүүлж байна. Биеийн байдал тогтвортой байгаа ч хортой бодист хордсон тул хэсэг хугацааны дараа дахин шинжилгээ авах шаардлагатай.
Хэн нэгэнд хэрэг бүртгэл, мөрдөн байцаалтын үйл ажиллагаанд хөндлөнгөөс саад учруулах эрх байхгүй. Тиймээс цагдаагийн байгууллага болон прокурорын байгууллагаас заасан эрх хэмжээний хүрээнд мэдээлэл өглөө” гэв.
Б.Лхам
Сэтгэгдэл (2)