"Улсаа аврах ард түмний үндэсний хөдөлгөөн" ТББ-аас Сүхбаатарын талбайн гуравны нэгийг хувь хүний нэр дээр шилжүүлж, банканд барьцаанд тавьсан асуудлаар өнөөдөр мэдээлэл хийлээ.

Энэ талаар Улсаа аврах ард түмний үндэсний хөдөлгөөний тэргүүн А.Эрдэнэбаяр “Д.Сүхбаатарын талбайн 50 хувийг “Ю Би Констракшн” ХХК-д, нийслэлийн Засаг даргын 2006 оны тавдугаар сарын нэгний өдрийн 215 захирамжийн дагуу Худалдаа хөгжлийн банкны ТУЗ-ийн дарга Д.Эрдэнэбилэгийн мэдэлд хууль бусаар шилжүүлсэн байна. Мөн Улаанбаатар хотын банканд гурван удаа барьцаанд тавьж байжээ. Тухайлбал, 2017 оны зургадугаар сарын 9-ний өдөр 500 сая төгрөг, мөн оны зургадугаар сарын 13-ны өдөр дөрвөн сая ам.доллар, 2018 оны зургадугаар сарын 27-ны өдөр 4.450.000 сая ам.доллар буюу нийт 8.6 сая ам.долларын барьцаанд Д.Сүхбаатарын талбайг тавьсан” талаар мэдэгдлээ.

Тиймээс Д.Сүхбаатарын талбайн газрын гэрчилгээг хүчингүй болгож, Улаанбаатар хотын банкны барьцаанд тавьсан буруутай этгээдийг хуулийн дагуу хариуцлага хүлээлгэхийг Хотын дарга С.Амарсайханаас шаардаж байгаа юм.