АТГ-аас Засгийн газрын яам, агентлагийн 13 мянга гаруй албан тушаалтны ХОМ-ийг ил болгосны дагуу МУИС-ын салбар сургуулийн захирлуудын хөрөнгийг танилцуулсан билээ. Тэгвэл одоо МУБИС-ийн удирдлагуудын ХОМ-ийг танилцуулж байна.
МУБИС-ийн ДУТС-ийн захирал А.Энхмаагийн өөрийн орлого 24 сая төгрөг бол гэр бүлийн орлого 36 сая төгрөг. Тэрбээр 2.3 тэрбум төгрөгийн нэг орон сууцтай бөгөөд 200 сая төгрөгийн үнэтэй Land Rover, Range Rover машинтай. Дотоодын банк, санхүүгийн байгууллагад байрлах хадгаламж, данс, мөнгөн хөрөнгийн нийт дүн нь нэг сая төгрөг.
МУБИС-ийн Захиргаа, хүний нөөцийн асуудал эрхэлсэн дэд захирал Б.Сүхболдын өөрийн орлого 23 сая төгрөг бол гэр бүлийн орлого 35 сая төгрөг. Тэрбээр 64 сая төгрөгийн үнэ бүхий нэг орон сууцтай. Үүнээс гадна 130 сая төгрөгийн үнэ бүхий мотоцикл-suzuki, Hayabusa, Hyundai, Elantra, Rover, MINI 1000 CITY E маркын машинтай. Үүнээс гадна тэрбээр 13 сая төгрөгийн авлагатай бол 54 сая төгрөгийн зээлтэй хэмээжээ.
МУБИС-ийн БоСС-ийн захирал Г.Цогзолмаагийн өөрийн орлого 37 сая бол гэр бүлийн орлого 25 сая төгрөг. Тэрбээр 15 сая төгрөгийн үнэ бүхий нэг орон сууцтай бөгөөд 28 сая төгрөгийн Toyota, Harrier машинтай. Мөн гурван сая төгрөгийн зээлтэй.
МУБИС-ийн МБУС-ийн захирал О.Алтангоогийн өөрийн орлого 37 сая төгрөг бол гэр бүлийн орлого найман сая төгрөг. Орон сууц, тээврийн хэрэгсэлгүй. 1.6 сая төгрөгийн хоёр үхэртэй. Түүний дотоодын банк, санхүүгийн байгууллагад байрлах хадгаламж, данс, мөнгөн хөрөнгийн нийт дүн хоёр сая төгрөг. 1.5 сая төгрөгийн авлагатай бол 36 сая төгрөгийн зээлтэй.
МУБИС-ийн бүрэлдэхүүний Архангайн Багшийн сургуулийн захирал Г.Баярболдын өөрийн орлого 25.5 сая төгрөг бол гэр бүлийн орлого 1.8 сая төгрөг. Тэрбээр 75 сая төгрөгийн нэг орон сууцтай. Тэрбээр 4.5 сая төгрөгийн Honda, Civic машинтайгаас гадна 40 сая төгрөгийн үнэи бүхий 25-үхэр, 30-хонь, 30-адуу, 25-ямаатай. Үүнээс гадна 10 сая төгрөгийн үнэ бүхий үнэт эдлэлтэй. Түүний дотоодын банк, санхүүгийн байгууллагад байрлах хадгаламж, данс, мөнгөн хөрөнгийн нийт дүн 6.9 сая төгрөг бол 10 сая төгрөгийн авлагатай, 68 төгрөгийн зээлтэй.
МУБИС-ийн БТС-ийн захирал Г.Энхсайханын өөрийн орлого 37 сая төгрөг бол гэр бүлийн орлого нь 77 сая төгрөг. Тэрбээр 250 сая төгрөгийн үнэ бүхий хоёр орон сууц, нэг зуслангийн байшин, нэг гражтай. Мөн 30 сая төгрөгийн үнэ бүхий Toyota, Highlander машинтай.
МУБИС-ийн Мэдээллийн технологи, зайн сургалтын албаны дарга Л.Мөнхтуяагийн өөрийн орлого 35.5 сая төгрөг бол гэр бүлийн орлого 14.9 сая төгрөг. Тэрбээр 46 сая төгрөгийн нэг орон суутай бөгөөд 10 сая төгрөгийн Toyota, Hilux машинтай. Мөн 6.6 сая төгрөгийн 22-хонь, 30-ямаа, 7-үхэртэй. Түүний дотоодын банк, санхүүгийн байгууллагад байрлах хадгаламж, данс, мөнгөн хөрөнгийн нийт дүн 4.7 сая төгрөг. Үүнээс гадна тэрбээр 51 сая төгрөгийн зээлтэй, “Ард санхүүгийн нэгдэл” ХК-д 147 ширхэг хувьцаа эзэмшдэг.
Сэтгэгдэл (4)