Өнөөдөр тавдугаар сарын 1-ны өдөр. Монголчууд бид 1922 оны тавдугаар сарын 1-ээс хөдөлмөрчдийн эрх ашгийг хамгаалах өдөр буюу “Майн баяр”-ыг тэмдэглэж ирсэн түүхтэй. 1986 оны хавар Америк, Канадын социалист болон комунист байгууллагууд, ажилчид жагсч, найман цагтай болохыг шаардаж, тэмцсэнээс үүсэлтэй эл баярыг Монгол Улс тухайн үеийн ЗХУ-ын нөлөөгөөр тэмдэглэдэг болсон байдаг. Монгол Ардын засгийн Цэргийн яамнаас “Майн баяр”-ыг тэмдэглэн өнгөрүүлэх тухай 1922 оны дөрөвдүгээр сарын 29-ний өдөр гаргасан 31 дүгээр тушаалд “Нөхөд ардын цэргүүдээ. Европын таван сарын шинийн нэгэнд дэлхий дахины бүх хөдөлмөрчин ба тариачин нар өөрийн ажил үйлдвэрийн их баярын сайн өдөр болох бөгөөд энэ өдөр ажил үйлдвэрийн хүмүүс хүчнээ дахин бүртгэж, газар бүрийн матар, загас мэт шунахай, ховдог, капитал хөрөнгөтөнд дарлан боолчлогдох зэрэг гашуун зовлонгоос мултран гарч, дэлхий дахины эзэн болж чадахаа илэрхийлнэ. Европын таван сарын шинийн нэгний их баярын сайн өдөр нийслэл Хүрээг хамгаалах бүх цэргүүд ёслолын жагсаал үйлдэх бөгөөд засгийн газрын олон яамны албан хаагчид ба эвлэл, нам зэрэг газрын гишүүд мөн нэгэн адил ёслон жагсана. Ёслолын жагсаалыг гурван зуун зургаадугаар хорооны даргаар эрхлэн захируулна. 

Ёслолын жагсаалыг үйлдэхдээ Монгол цэрэг ангиудаар өмсөх хувцас нь тэргүүн ба хоёрдугаар хорооны цэргүүд тэрлэг дээл, их бууны хороо, пулемётын сумангийн цэргүүд цэргийн цамц өмсөж гарахаас гадна даргын сургуулийн цэргүүд арьсан хувцас өмсөж бүрэн зэвсэгтэй гарвал зохино” хэмээн тэмдэглэсэн байдаг. Эндээс харахад энэ баярыг дээхэн үед албан байгууллага, ажилчид туга далбаа намируулан одоогийн Чингисийн талбайд цуглаж, өөрсдийнхөө эрх ашгийг хамгаалахын төлөө дуу хоолойгоо нэгтгэн, нижгэр тэмдэглэдэг байжээ. Харин сүүлийн жилүүдэд “Маян баяр”-ыг дурсах төдийд тэмдэглэж, олныг хамарсан томоохон үйл ажиллагаа болох нь улам цөөрсөөр байна.

Тэгвэл мартагдах шахаж буй эл баяр тохиож буй энэ өдөр олон үйл явдал тохиож байна. Тухайлбал, Үндэсний цэцэрлэгт хүрээлэнгийн "Сүлдэт багана" цогцолборт 2018 оны нэгдүгээр ээлжээр Хил хамгаалах байгууллагын хугацаат цэргийн алба хаагчдыг халах ёслол болох гэж байна. Ингээд өнөөдөр болох үйл явдлын мэдээллийг хүргэе.

10 цагт Үндэсний цэцэрлэгт хүрээлэнгийн "Сүлдэт багана" цогцолборт 2018 оны нэгдүгээр ээлжээр Хил хамгаалах байгууллагын хугацаат цэргийн алба хаагчдыг халах ёслол болно.

09:00 цагт

• Соёл, урлагийн газарт “Циркийн урлаг- Хамтын ажиллагаа” зөвлөгөөн болно. Утас: 99849000
• ХЗҮХ-д "Хөдөлмөр эрхлэлт ба ээлтэй бодлого" хэлэлцүүлэг болно. Утас: 99993083

10:00 цагт

• “Бишрэлт” зочид буудалд "Хүнсний аюулгүй байдлын олон улсын менежмент, удирдлагын тогтолцооны тухай ойлголт, худалдааны газруудад хийхэд анхаарах асуудлууд" сургалт болно. Утас:99136678
• Сүхбаатарын талбайд иргэдэд хууль зүйн зөвлөгөө өгөх, шинээр батлагдсан хууль, тогтоолыг сурталчилах “Хуульчийн Про Боно өдөр” болно. Утас: 98066116
• Үндэсний цэцэрлэгт хүрээлэнгийн "Сүлдэт багана" цогцолборт 2018 оны нэгдүгээр ээлжээр Хил хамгаалах байгууллагын хугацаат цэргийн алба хаагчдыг халах ёслол болно.
• НЗДТГ-т 2019 оны I ээлжийн цэрэг татлага зохион байгуулах комиссын хурал болно. Утас: 11325044
• МҮЭСТО-нд үйлдвэрчний эвлэлийн идэвхтэн сонгуультны цуглаан, өдөрлөг болно. Утас: 99027019
• “Бишрэлт” зочид буудалд АМГТГ-аас “Газрын тосны салбарын өнөөгийн байдал хэтийн төлөв” хэлэлцүүлэг зохион байгуулна. Утас: 99160069

10:30 цагт

УИХ-ын дарга Г.Занданшатар “Улаанбаатар төмөр зам” ХНН-ийн ажилтай танилцана.

11.00 цагт

• Санхүүгийн зохицуулах хорооны гадна талбайд “МОНКОРД” хадгаламж, зээлийн хоршооны хохирогч нар мэдээлэл хийнэ.
• ЦЕГ-ын Хэвлэл, мэдээллийн төвийн “Мэдээллийн танхим”-д бага насны хүүхдийн эсрэг гэмт хэргийн нөхцөл байдал болон оюутан, сурагчдын төгсөлтийн баярыг тохиолдуулан зохион байгуулж буй "Эрдмийн баяр" аяны талаар цагдаагийн байгууллагаас мэдээлнэ.
• “Чингис хаан” олон улсын нисэх буудалд "Иргэн таны төлөө-Мэргэжлийн хяналт" сарын аяны нээлт болно.

11:40 цагт

Монголын Үндэсний музейд “Монгол Улсын хаан Наймдугаар Богд Жавзандамба хутагт” үзэсгэлэнгийн нээлт болно.

12:30 цагт

Монголын театрын музейд Төрийн шагналт, Урлагийн гавьяат зүтгэлтэн О.Уртнасангийн мэндэлсний 90 насны ойд зориулсан “Түүхэнд мөнхөрсөн дүрс” үзэсгэлэнгийн нээлт болно.

14:00 цагт

• МУИС-ийн хичээлийн I байранд МУИС-ийн Эрдмийн зөвлөлийн нэрэмжит тэтгэлэг гардуулах ёслол болно. Утас: 99002019
• “Пума Империал” зочид буудалд “Ашигт малтмалын тухай хуулийн байгаль орныг нөхөн сэргээх үүргээ биелүүлээгүй тусгай зөвшөөрөл эзэмшигчийн эрхийг цуцлах заалтын хэрэгжилт” хэлэлцүүлэг болно. Утас: 99000579, 99284057

“Үндэсний мэдээллийн төв”-д

10:30 цагт “ТВ5” телевизийн удирдлагууд медиа тандалт, ТВ рейтингийн судалгаа хийдэг “Максима Консалтинг” компанийн судалгаанаас татгалзах талаар мэдээлнэ.

11:00 цагт Байгаль орчин хамгаалах чиглэлээр ажилладаг ТББ-ууд цаг үеийн асуудлаар мэдээлнэ.

11:30 цагт "Өвөгдийн өв" ТББ-ийн тэргүүн, даяанч лам Цолмонгэрэл “Буу барьсан цагдаагаар хамгаалуулсан бурхан гэж байх уу? Монгол дахь Буддизмыг цэвэрлэх, цэгцлэх цаг нь болжээ” сэдвээр мэдээлнэ.

12:00 цагт Монгол Улсын 27 дахь Ерөнхий сайд Н.Алтанхуяг цаг үеийн асуудлаар мэдээлнэ.

12:30 цагт Иргэн н.Өгөөдэй “Бусдын зовлонгоор түрий барьж ашиг олох гэж яваа хүмүүс” сэдвээр мэдээлнэ.

13:00 цагт “Эв санааны нэгдэл” үйлдвэрчний эвлэлийн холбооноос УУХҮ-ийн сайдыг огцрохыг шаардалагаа танилцуулна.

“Монгол ньюс” мэдээллийн төвд

11:00 цагт “Оном” сангаас “Даралт хэмжилтийг дадал болгоё” сэдэвт аяны талаар мэдээлнэ.

12:00 цагт “Өнөөдөр” сонины “Нийслэл хүүд зорилго бий” нийтлэлийн эзэд “Cool Mongolia” төсөл хэрэгжүүлэх талаар мэдээлнэ.

Төрийн ордонд

08:00 цагт Засгийн газрын ээлжит хуралдаан болно.

09:00 цагт “Их Эзэн Чингис хаан” танхимд Нийгмийн бодлого, боловсрол, соёл, шинжлэх ухааны байнгын хороо хуралдана.

10:00 цагт Иргэний танхимд “Капитал банкны дампууралд хэн буруутай вэ, хадгаламж эзэмшигчдийн хохирлыг хэрхэн барагдуулах вэ” хэлэлцүүлэг болно.

11:00 цагт “Жанжин Д.Сүхбаатар” танхимд Хууль зүйн байнгын хороо хуралдана.

14:00 цагт “Жанжин Д.Сүхбаатар” танхимд Байгаль орчин, хүнс, хөдөө аж ахуйн байнгын хороо хуралдана.

15:00 цагт “Г” танхимд Тогтвортой хөгжлийн зорилгын дэд хороо хуралдана.

16:00 цагт “Их Эзэн Чингис хаан” танхимд Төсвийн байнгын хороо хуралдана.