Монголын Сэтгүүлчдийн нэгдсэн Эвлэлийн ерөнхийлөгч Х.Мандахбаяр сүүлийн үед үүсээд байгаа асуудлаар мэдээлэл хийлээ.

Мэдээллийн эхэнд тэрбээр “Би гурван зүйлээр мэдээлэл хийнэ. Эвлэлийн ерөнхийлөгчийн мэдээлэл гурван зүйл рүү чиглэжээ. Эхнийх нь, Тосон бумбын нуруунд үйл ажиллагаа явуулж буй “Сауд гоби коал транс”, удаах нь нийслэлийн Засаг дарга С.Амарсайханыг 400 сая төгрөг авахаар шантаажилсан, гутгаар нь, сэтгүүл зүйн салбартай холбоотой асуудал байв.

Тэрбээр “Тост, тосон бумбын нуруунд үйл ажиллагаа явуулдаг “Сауд гоби коал транс” компанийн хууль бус үйл ажиллагааг сэтгүүлчид хараат бусаар очиж сурвалжилга хийсэн. Анх 2017 оны дөрөвдүгээр сараас би сэтгүүлчидтэйгээ хамтран, өөрөө газар дээр нь очиж сурвалжлага хийж байсан. Би Өмнөговь аймгийн иргэн. Энэ асуудалд хандахдаа Өмнөговь аймгийн иргэний хувьд, сэтгүүлч хүнийхээ хувьд хандаж байгаа. Би энэ асуудалд МСНЭ-ийн ерөнхийлөгчийн хуваарь хандаагүй. Би сая сэтгүүлчдийн хамт “Хариуцлагатай уул уурхай” сэдвээр сурвалжлагын баг гаргасан. Сэтгүүлчид сайн дураараа явж, сурвалжлага хийсэн. Сурвалжлага хийх явцад нь би хэлж байсан. "Миний ч юм уу, хэн нэгний байр суурь, үзэл бодлыг битгий тусгаарай. Та бүхэн өөрийнхөө байр сууринаас хандаарай” гэдгийг сэтгүүлч нарт хэлж байсан. Харамсалтай нь, хамт явсан зарим хэвлэл мэдээллийн байгууллагууд сурвалжилгаа гаргаагүй байна лээ. Тэд хийсэн сурвалжилгаа гаргах боломжгүй байх шиг байна. Би ойлгож байна” гэлээ.

Мөн “Би хотын даргыг шантаажилж, 400 сая төгрөг нэхээгүй. С.Амарсайхан дарга бид хоёр эртнээс бие биеэ мэднэ. Би ТВ8 телевизийг худалдаж авсан. Телевиз худалдан авах ажил маш удаан байдаг. Эрх шилжүүлж байх явцад тус телевизээр Туулын бургасыг хядаж байгаа тухай сурвалжилга цацагдсан. Сурвалжилга цацагдсаны дараа эрх нь надад ирсэн. Түүний дараа MNBC-гээс ТВ8-ыг хаасан. MNBC-гийн ажилтан руу уурлаж, дайрч давшилсан нь үнэн. Гэхдээ би хэвлэл мэдээллийн хэрэгслээр зүй бус үг хэлээгүй. Тус компанийн зүгээс хаалтын гэрээ байгуулж, дахин сөрөг мэдээлэл цацуулахгүй, мөн дээрх сурвалжилгыг бэлтгэсэн сэтгүүлчээр компанийн удирдлагуудаас уучлалт гуйлга гэсэн. Би боломжгүй гэхэд тэгвэл бичлэгийг чинь цацна гэж сүрдүүлсэн. Би цац гэсэн.

Албан тушаалаар намайг гүтгэж, нөхөд рүү минь дайрч байгаа учраас би албан тушаалаасаа түдгэлзэх өргөдлөө өнөөдөр Удирдах зөвлөлдөө өгнө. Хотын дарга С.Амарсайханыг холбогдоод байгаа асуудлаа цэгцэртэл албан тушаалаасаа чөлөөлөгд гэж шаардаж байна” гэсэн юм.

С.Сүлд