Засгийн газраас Тавантолгой-Зүүнбаян чиглэлийн төмөр замын ажилд Монгол Улсын Зэвсэгт хүчний бие бүрэлдэхүүнийг оролцуулах шийдвэр гарч, эхний ээлжийн ажил өрнөж буй. Одоогоор батлагдсан зураг төслийн дагуу төмөр замын далан барих ажил хийгдэж байгаа аж. Уг ажил хоёр жил үргэлжлэх юм байна.
Түүнчлэн уг бүтээн байгуулалтын ажилд өөрийн хүсэлтээгр орлцох иргэдийг ажиллуулахаар шийдьэрлэсэн талаар нийслэлийн Засаг даргын Цэргийн штаб, ЗХЖШ-аас мэдээллээ.
Тухайлбал, техникийн чиглэлээр том оврын автомашины жолооч, бульдозерчин, автогрейдерчин, индүүчин жолооч, усны машины жолооч, шанагат ачигчийн жолооч, өөрөө буулгагчийн жолооч нарын 1000 орчим ажлын байр шаардлагатай байгаа гэв.
Мөн авто замын инженер, материал чанарын инженер, хөрс шинжилдэг инженер, гүүр хоолойн инженер, тоо хэмжээний инженер зэрэг зургаан инженер техникийн ажилтан шаардлагатай аж. Хамгийн гол нь мэргэжлийн диплом, эрүүл мэндийн хувьд асуудалгүй, гаж зуршилгүй байх шаардлагатай бөгөөд дээрх мэргэжлүүдээр энэ сарын 15-ны өдрийг хүртэл бүртгэх юм байна. Сонирхсон иргэд дүүргийн Засаг даргын Тамгын газрыг Цэргийн штабын байранд бүргүүлнэ.
Бүртгүүлэхдээ мэргэжлийн диплом, иргэний үнэмлэх, төрийн албан хаагчийн анкет, гурьан хувь цээж зураг зэргийг бүрдүүлэх юм.
Б.Лхам
Сэтгэгдэл (1)