Нийслэлийн Прокурорын газар, ЦЕГ-ын Тусгай ажиллагааны газар, ЦДЦСНТ-ийн эрэлч нохойн алба, нийслэлийн дүүргүүд дэх цагдаагийн хэлтэстэй хамтран энэ сарын 14, 15-ны өдрүүдэд цэнгээний газруудад шалгалт хийж мансуурсан этгээдүүдийг илрүүлжээ.

Хяналт, шалгалтын үеэр 40 иргэнд мансууруулах эм, сэтгэцэт нөлөөт бодис илэрчээ. Мөн анхан шатны тест тавьж шалгахад зургаан иргэн мансууруулах төрлийн бодис хэрэглэсэн байжээ.

Дээрх хэрэгтэй холбогдуулан гэмт хэргийн шинжтэй нэг үйлдэлд хэрэг бүртгэлийн хэрэг нээж, цагдаагийн байгууллагаас холбогдох шалгалтын ажиллагааг явуулж байна.

Энэ оны эхний таван сарын байдлаар 188 хүн хар тамхи, мансуруулах бодисын хэрэгт холбогджээ. Тухайлбал, өнгөрсөн тавдугаар сарын 19-ний өдөр Дорноговь аймгийн Замын-Үүд дэх Авто замын шалган нэвтрүүлэх боомтоор сэтгэцэд нөлөөт “Мөс” гэх бодисыг БНХАУ-аас хууль бусаар оруулж ирэх гэж байгаад саатуулагджээ.

Эх сурвалж: ЦЕГ