Монгол Улсын Боловсролын Их Сургууль /МУБИС/-ийн Үйлдвэрчний эвлэлийн хороо нь МУБИС-ийнхаа Багш ажилчдын нийгмийн асуудлыг шийдвэрлэх зорилгын хүрээнд 44 айлын өвөл зуны зориулалттай зуслангийн БАГШ ХОТХОН төслийг санаачлан хэрэгжүүлж амжилттай дуусгалаа. Тус төслийг П.Отгонбаяр захиралтай “Ньюгранд технологи” ХХК-ны хамт олон нэг жилийн хугацаанд амжилттай хийж гүйцэтгэн өнөөдөр ашиглалтанд оруулж байна.

Тус хотхоны дэд бүтцийг бүрэн шийдсэн бөгөөд өндөр хүчдэлийн шугамд холбогдсон цахилгааны дэд станцтай, гүний цэвэр усаар хангагддаг цэвэр усны системтэй, 4 айлын дунд бохирын шингээдэг эко банктай хийгдсэнээр онцлог юм. Мөн өвөл ашиглагдах боломжтой, бага зардлаар, зай талбайг зөв ашиглаж орчин үеийн загварлаг шийдэлтэй, цэвэр болон бохирын инженерийн шугамтай хийгдсэн барилга болсон юм. Хотхонд сагсан бөмбөг, элсний волейбол, хүүхдийн тоглоомын талбай, авто машины зогсоол зэргийг төлөвлөж нэгдсэн хашаа, харуул хамгаалалттай хийгдсэн юм.

Сүүлийн үед үйлдвэрчний эвлэлийн байгууллагын үйл ажиллагаа эрчимжиж хөдөлмөрчдийнхөө эрх ашгийг хамгаалж, хөдөлмөрийн цалин хөлсийг нэмэгдүүлхийн төлөө тууштай тэмцэхийн зэрэгцээ мөн тэдгээрийнхээ нийгмийн баталгааг хангахын төлөө ажиллаж байгаагийн нэг жишээ нь МУБИС-ийн ҮЭ-ийн хорооноос хийсэн энэхүү “багш хотхон” юм.

2018 оны 06 сарын 06 өдөр шаваа тавьсан тус хотхон 2019 оны 06 сарын 21 өдөр нээлтээ хийж 44 айлынхаа түлхүүр, талархалын бичгийг гардуулан өглөө. Нээлтийн үйл ажиллагаанд МҮЭ-ийн холбооны дэд ерөнхийлөгч С.Эрдэнэбат, Монголын боловсрол шинжлэх ухааны ҮЭ-ийн холбоон дарга З.Цогтгэрэл, МБШУ-ны ҮЭХ-ны гадаад харилцааны мэргэжилтэн Г.Цэцэгмаа, МУБИС-ийн ҮЭ-ийн хорооны дарга С.Батцоож болон төрийн өмчит Их сургууль болох ШУТИС-ийн ҮЭХ-ны дарга С.Дэлгэрмаа, АШУҮИС-ийн ҮЭХ-ийн хорооны дарга Ж.Баасанжаргал, СУИС-ийн ҮЭХ-ны дарга С.Загд-Очир, БПТК-ийн ҮЭХ-ны дарга Н.Оюунбямба болон тус хотхонд хамрагдсан багш, ажилчид оролцлоо.

Үг хэлсэн зочдоос Монгол улсын том үйлдвэр, карпораци болон компаниуд л ажилчдынхаа нийгмийн асуудлыг шийдвэрлэж зуслангийн хотхон, эсвэл амьдрах хороолол хийж байсан бол төрийн болон хувийн өмчит их сургуулиудаас ийм хотхон хийж байсан тохиолдол байхгүй бөгөөд энэ нь анхдагч ажил болж чадсаныг дурьдаад цаашид энэхүү жишиг хотхоныг бусад их дээд сургуулиуд болон аймаг, нийслэл, сум дүүргийн сургуулийн багш нарын нийгмийн асуудлыг шийдвэрлэхэд үлгэр дуурайлал болгон ашиглах бүрэн боломжтойг тэмдэглэн хэлсэн юм.

Нээлтийн үйл ажмллагааны бас нэг онцлог нь ирсэн хүүхэд бүрт гарын бэлэг өгч, шинээр орж байгаа 44 айлынхаа дунд 6 азтанг тодруулан шинэ байранд хэрэгтэй гэр ахуйн жижиг барааг гардуулан өгсөн юм. Энэ өдрийн азтангаар С5-Б.Тунгалаг, D7-З.Баярчимэг, С7-Б.Дэлгэрмаа, С3-С.Амартүвшин, C4-Б.Батсолонго, D6-Ж.Наранмандах нар тодорлоо. Нээлтийн үйл ажиллагаанд оролцсон зочид хотхоны нийт захиалагчдад үг хэлж амжилт хүсэн тус хотхоны төлөвлөлт, барилгын хийц, загвар болон нэгдсэн үйл ажиллаатай танилцлаа.

С.Сүлд