Улсын онцгой комиссын өргөтгөсөн хуралдаан Ерөнхий сайд У.Хүрэлсүх болон Шадар сайд нар, 21 аймгийн засаг дарга нар болон яам, агентлагийн дарга нар оролцож, өвөлжилтийн бэлтгэлийн талаар ярилцаж байна.
Бороо хур их байгаа учраас мал угаалгын ажил удаашралтай байна. Иймд есдүгээр сарын 15-г гэхэд бүх ажлыг бүрэн дуусгахыг үүрэг болгожээ. Энэ үеэр Эрчим хүчний сайд Ц.Даваасүрэн “Салбарын өвөлжилтийн бэлтгэл ажил 70 хувьтай явагдаж байна.
Орон сууцны айл өрхүүдийг дулаанаар хангахаар үүрэг чиглэлийн дагуу дулааны станцууд ажиллаж байна. Ирэх сарын 15-наас дулаанаар хангаж эхэлнэ. Дулааны станцын бэлтгэл 54 хувьтай, 63 зуух ажиллахад бэлэн болсон. Орон нутгийн дулааны станцууд өвөлжилтийн бэлтгэлээ хангаж чадахгүй байгаа ч одоогийн байдлаар Ховд 10, Сэлэнгэ 32 хувьтай бэлтгэлээ хангажээ. Багануурын дулааны станц хоёр тэрбум төгрөгийн алдагдал хүлээсэн учраас үүнд зайлшгүй анхаарах хэрэгтэй.
Энэ сарын 10-ны байдлаар шахмал түлшний түүхий эдийн нөөц 700 мянган тонн шахмал түлш бэлтгэхээс 150-200 мянга орчим тонныг үйлдвэрлэсэн. Энэ өвөл иргэдийн хэрэгцээг хангахад 600 мянган тонн шаардагдана. Бороо нэлээд төвөг учруулж байна" гэлээ.
Г.Нацаг
Сэтгэгдэл (2)