БНХАУ-ын долоон иргэн орон сууцны байранд "мөнгөн ус" байж болзошгүй зүйл ашиглан алт угаасан хэрэг гарчээ. Тодруулбал, бчигдөр буюу есдүгээр сарын 30-ны өдөр Баянзүрх дүүргийн III хорооны нутаг дэвсгэрт байрлах 48 дугаар байранд химийн бодис илэрлээ гэсэн дуудлага мэдээлэл цагдаагийн байгууллагад ирсэн байна. 

Уг дуудлагын дагуу цагдаагийн байгууллагаас шалгалт хийхэд тухайн байранд түр оршин суух хаягтай БНХАУ-ын иргэд мөнгөн ус мэт зүйлийг ашиглаж алтны шороо угааж байж болзошгүй нөхцөл байдал урьдчилсан байдлаар тогтоогджээ. Уг асуудалд БНХАУ-ын 7 иргэнийг холбогдуулан цагдаа, онцгой байдлын газар, Мэргэжлийн хяналтын газар, тагнуулын байгууллагаас шалгаж байна.

Одоогоор уг хэргийг шалгах ажиллагаа үргэлжилж байгаа тул дэлгэрэнгүй мэдээлэл өгөх боломжгүй байгаа аж.