Хөдөлмөр эрхлэлтийн дэмжих сангаас УИХ-ын гишүүдийн хамаарал бүхий этгээдүүд зээл авсан, үүнд Их хурлын гишүүд нөлөөлсөн байх магадлалтай гэх мэдээлэл цацагдсан. Уг мэдээлэлд УИХ-ын ггишүүн М.Оюунчимэгийн нэр багтаад байсан.
Тэгвэл энэ талаар тэрбээр "Дэлхий нийтэд эмэгтэйчүүдийн улс төр дэх оролцоог дэмжиж байна. Гэтэл Монголд эсрэгээрээ байна. Финлианд, Новеги зэрэг улсад иргэдийн төлөөллийн жендер нь 50*50 гэж байдаг. Гэтэл манай улсад өмнө нь 30 квот байсан. Үүнийг нь бууруулсан. Ингэхдээ эмэгтэй гишүүдийн нэр төрд халдах, гутаах маягаар хэрэгжүүлж байна. Жишээлбэл, Хөдөлмөр эрхлэлтийг дэмжих сангаас зээл авч худааж иджээ гэсэн мэдээлэл гарсан. Гурван компанийг надтай холбосон байна лээ.
Гэтэл би тэр компаниудыг огт мэдэхгүй.
Зээл авсныг нь ч мэдээгүй. Ингэж миний нэр төрд халдах нь зөвхөн М.Оюунчимэг гэж хүнтэй холбоотой асуудал биш. Энэ бол УИХ дахь эмэгтэй гишүүдийн нэр төрд халдах замаар квотыг бууруулах гэсэн улс төрийн зорилго ард нь нуугдаж байна. Тиймээс ямарваа мэдээлэлд цензуртай хандаасай. Чадварлаг эмэгтэйчүүд маш олон байна. Тэднийг ард иргэдийн төлөөлөл болгож УИХ-д оруулж ирэх хэрэгтэй. Эмэгтэй гишүүдийн тоо олширсноор гурав, дөрвөн ээлжээр хичээллэдэг байсан сургуулийн тоо цөөрсөн. Цэцэрлэгийн хүртээмж сайжирсан. Хүүхэд хамгааллын асуудлыг сайжруулсан.
Зөөлөн бодлогоор улс орныг хөгжүүлэхэд эмэгтэй гишүүд чухал үүрэгтэй.
Зөвхөн зам, гүүр, барилга байгууламжид хөрөнгө орууллаа гээд улс орон зөв хөгжихгүй, харин иргэн төвтэй байснаар улс орон зөв замаар хөгжижи, үндэсний дархлаагаа хадгална” гэлээ.
Г.Эрдэнэ
Сэтгэгдэл (7)