Ерөнхийлөгч Х.Баттулга Швейцарийн Холбооны Улсын Давос хотод зохион байгуулх Дэлхийн эдийн засгийн чуулганд оролцохоор өчигдөр эх орноосоо мордсон билээ. Түүний хувьд чуулга уулзалтад оролцож, үг хэлэхээс гадна Норвегийн Хаант Улсад айлчлахаар төлөвлөөд байгаа юм.

Үүнтэй холбоотойгоор Ерөнхийлөгч асан Ц.Элбэгдорж байр сууриа илэрхийлжээ. Тэрбээр “Давос-2020: Ярих сэдэв арвин байх нь. Тэгш ой-50 дахь уулзалт. Ираны цөм, Америкийн сонгууль, Хятадын нөлөө, Оросын өөрчлөлт, дэлхийн халуурал, Австралийн түймэр, дижитал тэлэлт, хиймэл оюун ухаан, худалдааны дайн, өр зээл. Авлига бас популизм. Х.Баттулга ирэх сурагтай. Давост орох нь зөв” гэсэн байна.

Ерөнхийлөгч асан Ц.Элбэгдоржийн хувьд Давосын чуулга уулзалтад Төрийн тэргүүний хувиар оролцож “Итгэлцлийг манлайлах замаар бэхжүүлэх нь”  сэдвээр хэлэлцүүлэг, уулзалтад үг хэлж байсан удаатай.

С.Сүлд