УИХ-ын гишүүн Н.Номтойбаярын бүрэн эрхийг түдгэлзүүлж шалгах хүсэлтийг Улсын ерөнхий прокурор Б.Жаргалсайхан өнгөрсөн долоо хоногт УИХ-д хүргүүлсэн байдаг. Гэвч Халдашгүй байдлын дэд хорооны гишүүдийн ирц хүрээгүй гэсэн шалтгаанаар уг асуудал хойшилсон өнөөдрийн хүрсэн юм.

Энэ талаар Хууль зүйн сайд, тус хорооны дарга Ц.Нямдорж “Н.Номтойбаяр Дэд хороонд хүсэлт ирүүлсэн. Хүсэлтийг нь уншина. Энэ долоо хоногт асуудлыг шийднэ. Та нар битгий сандраад гүйгээд бай. Хуралдаан хойшлох эсэхийг Н.Номтойбаяр мэддэггүй юм. Ч.Улаан сайд хэзээ ирэхийг мэдэхгүй байна. Дөрвөн гишүүнтэй хуралдаад санал нь хоёр хоёроор тэнцчихвэл шийдвэр гардаггүй байхгүй юу. Прокурор нь нууц гэсэн бичиг ирүүлсэн байхад Н.Номтойбаярын асуудлыг нээлттэй хэлэлцэх боломжгүй. Мөрдөн байцаалтын нууц байгаа учраас тэр.

Н.Номтойбаярын хэлсэн үгээр ажил явна гэж байхгүй. Хуулийн байгууллага, Дэд хороо ч дэд бүрэн эрхийнхээ хүрээнд асуудлыг шийднэ. Прокурорын оруулж ирсэн бичигт Н.Номтойбаярыг сайд байхдаа хийж байсан ажлынх нь тухай, нөгөөх нь ордон болсон Б.Батхүү агсаны асуудалтай холбоотойгоор, гурав дахь нь хэвлэлээр баахан зүйл ярьчихсан. Гурван асуудал байна” гэв.

С.Сүлд