Улсын Онцгой комиссын Шуурхай штабаас өнөөдөр мэдээлэл хийх үеэр ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан "Улсын хэмжээнд 45 байршлын тусгаарлах байранд 1601 иргэн ажиглалтад байна. Цагдаагийн байгууллагаас эдгээр иргэний аюулгүй байдал, хэв журмыг сахиулж ажиллаж байна.

Тусгаарлагдсан иргэдэд УОК-ын Шуурхай штабын шийдвэрийн дагуу эргэлт оруулж байна. Гэвч иргэд удаа дараа зөрчил гаргах нь тасрахгүй байна. 

Энэ явцад зөрчил гарсаар байна. Жишээлбэл, талхны голд, чихрийн хайрцаг дотор тамхи нууж, оруулахыг завдсан тохиолдол цөөнгүй гарсан. Эдгээрт зохих арга хэмжээг нь авна" гэв.

Сонгуулийн сурталчилгаа эхэлсэн энэ үед иргэдийн анхаарал суларч байна. Тиймээс иргэд анхаарал сэрэмжээ бууруулахгүй байж, мэргэжлийн байгууллагуудын зөвлөгөөг сайтар дагаж, цар тахлын үеийг даван туулахыг уриалаъя" гэлээ.