Чингэлтэй дүүргийн Эрүүгийн хэргийн анхан шатны шүүхэд С.Баяр, С.Бямбацогт, Б.Ариунсан, Б.Бямбасайхан, Ч.Давааням, Б.Бадрал, Д.Ганболд нар холбогдох хэргийн шүүх хуралдаан өнөөдөр болж, шүүх хуралдааныг энэ сарын 22-ны өдрийг хүртэл хойшлуулсан билээ. Түүнчлэн шүүгдэгч С.Баярцогт,  Д.Ганболд, Б.Бямбасайхан нарыг дараагийн шүүх хуралдааныг хүртэл цагдан хорих шийдвэр гаргасан юм.  

Нэр дэвшигч С.Баярцогт Сэлэнгэ аймагт, Д.Ганболд Хөвгөл аймагт, Б.Бямбасайхан Дарханд тус тус нэр дэвшиж байгаа юм.

Шүүхийн уг шийдвэртэй холбогдуулан Хөвсгөл аймаг буюу 17-р тойрог АН-аас нэр дэвшиж буй Да.Ганболдын өмгөөлөгч Б.Баяраа "Тэднийг хуулийн илэрхий үндэслэлгүйгээр цагдан хорисон. Гурван хоногийн өмнө шүүхээс их хэмжээний барьцаа хөрөнгө байршуулах, эс бөгөөс хоригд гэсэн нь шийдвэр гаргасан. Да.Ганболдын хувьд шүүхээс гурван тэрбум төгрөгийг байршуул гэсэн. Үүнийг нь бүгдийг нь байршуулж чадаагүй.

Харин тодорхой хэмжээгээр өөрсдийн нөөц бололцоогоор бүгд адилхан хэмжээтэй барьцаа хөрөнггө боловч, нэр дэвшиж буй хүмүүсийг цагдан хорилоо" гэсэн юм.

Ташрамд дурдахад, өмнө нь шүүхийн шийдвэрээр нэр дэвшигч Н.Номтойбаяр, Ж.Эрдэнэбат, Х.Бат-Ялалт нарыг 461 дүгээр хорих ангид цагдан хориод байгаа. Ийнхүү ээлжит сонгуульд нэр дэвшиж буй зургаан хүнийг цагдан хорилоо. Түүнчлэн шүүгдэгч С.Баярцогтод, шүүгдэгч Д.Ганболдод нарыг тус бүрийг 10 тэрбум төгрөгийн барьцаа, шүүгдэгч С.Баярт 5 тэрбум төгрөгийн барьцаа, шүүгдэгч Б.Бямбасайханд 2 тэрбум төгрөгийн барьцаа авах таслан сэргийлэх арга хэмжээг тус тус авсан юм.  Үүнээс С.Баяр 525 сая төгрөгийн дэнчинг байршуулсан учир ийнхүү цагдан хоригдоогүй байна.