УИХ-ын ээлжит чуулганаар Монгол Улсын Засаг захирга, нутаг дэвсгэрийн нэгж түүний удирдлагын тухай хуулийн шинэчилсэн найруулга болон хамт өргөн мэдүүлсэн хуулиудын эхний хэлэлцүүлгийг хийж байна. Энэ үеэр үг хэлж, асуулт асуусныг онцлон хүргэе.

Л.Энх-Амгалан: Аравтын тогтолцоог яаж ийж байгаад оруулаад өгчихмөөр байна. Уг нь анх өргөн барьсан хуульд байгаа шүү дээ. Монголчуудын хүчирхэг байсны гол үндэс аравтын зохион байгуулалт. Цаашид нүүдлийн соёл иргэншлийг тээж явах ёстой гэж үзвэл аравтын зохион байгуулалтыг хүссэн хүсээгүй оруулна.

Их Хурлын даргын яриад байгаа Ардын засгийн нутгийн захиргааны дүрэм нь сайн дүрэм юм байна лээ шүү. Аравтын даргад тавьж байгаа шаардлага гэхэд үндсэндээ төрийн алба хаагчид тавьж байгаа шаардлага. Амиа бодох биш олны тусыг бодох, өөрийн хариуцсан ажил албыг хариуцах зэрэг дөрвөн шалгуур тавьдаг. Одоо багийн дарга нар ч ийм байх ёстой. Арван гэрийг толгойлох хүн ийм л шалгуураар явж ирсэн.

Уламжлал болж ирсэн тогтолцоогоо орхигдуулах ёсгүй.

Ямар нэгэн зардал, дарга нэмэгдэхээс айх биш бидний үүрэг гэж ойлгож байна. Тиймээс ажлын хэсэг зөв томъёоллоор оруулж ирэх ёстой.   

Г.Занданшатар: 2003 оны өмнөх хуулиар Багийн даргыг төрийн алба хаагч үзсэн. Учир нь хүн амын тооллого, малын тоо толгой гээд хийдэг нь ажил нь үндсэндээ төрийн ажлыг хийдэг. Багийн дарга анхан шатны нэгжийн хувьд төрийн алба хаагч байх ёстой гэдэг судлаачдын үздэг. Энэ талаар нарийн судлах үүрэг өгье. Манайх шиг нүүдэлчин соёл иргэншилтэй улсад нүүдлийн мал аж ахуй дээрээ тулгуурласан засаг захиргааны нэгж 2000 жилийн өмнөөс хэрэгжиж ирсэн нь хамгийн оновчтой байжээ гэж үзэж байна. 

А.Сүх