Засгийн газрын хуралдаанаас гаргасан шийдвэрийн талаар мэдээлэл өглөө. 

Энэ үеэр  Эрүүл мэндийн сайд Т.Мөнхсайхан “Хувийн хэвшлийн эмнэлгүүд үйл ажиллагаагаа явуулахдаа өөрсдөдөө шаардлагатай хувийн хамгаалах хэрэгслээ өөрсдөөсөө гаргах ёстой. Халдвартай нь батлагдсан хүмүүстэй тулж ажиллаж байгаа 275 хүнд 5 сая төгрөгийн урамшуулал өгсөн.

Мөн халдвар авсан эрүүл мэндийн байгууллагын 65 хүний ар гэрт 5 сая төгрөг өгсөн. Нийт 10 сая төгрөгийн урамшуулал өгсөн гэсэн үг.

Түүнчлэн халдварыг эрт илрүүлэх шинжилгээ авч байгаа 1400 гаруй хүнд тодорхой урамшуулал олгосон. Ингээд 14000 хүнд 8.8 тэрбумын урамшуулал олгоод байна. Цаашид хувийн хэвшлийн эмнэлгийг дайчилж ажиллах болвол санхүүжилт олгоод явна.

Дараагийн асуудал нь мэдээллийг нуун дарагдуулснаас болж халдвар алдсан зүйл байхгүй. Бид бүх мэдээллийг өмнө нь өгч байгаа. Ямар нэгэн байдлаар бөөгнөрсөн, үйл ажиллагаа явуулсан бол цаг тухайд нь анхааруулаад явж байгаа” гэлээ.

Б.Лхам