Шинэ оны өмнөх өдөр төрийн гурван өндөрлөгөөс эхлээд бүх л сайд, дарга нар иргэд сонгогчиддоо хандан мэндчилгээ дэвшүүлж, ил захидал хаягладаг.
Үүн дотроос хамгийн их шүүмжлэл дагуулсан мэндчилгээ нь Гадаад харилцааны сайд Н.Энхтайваных байв.
“Монголын нүүр царай атал гар утсаараа дарсан зураг шиг, гэргийтэйгээ авахуулсан зурагныхаа хажууд Гадаад харилцааны яамны логотой мэндчилгээ дэвшүүлсэн, албан бус” хэмээн хэд хоног л сошиалаар нүдүүлж гарав.
Нээрэн л гэргийтэйгээ авахуулсан зурган мэндчилгээний хажууд Гадаад харилцааны яамны логотой мэндчилгээ зохимжгүй л харагдана лээ. Дээр нь албаны логотой мэндчилгээн дор гэргийнхээ нэрийг хавсаргасан нь бүр илүүц байлаа. Дипломат албаны хамгийн соёлтой, хариуцлагатай байх ёстой хүн бол та. Энэ утгаараа ч тэр дараа дараачийн мэндчилгээн дээрээ иргэдийн шүүмжлэлийг тусгаад авахад илүүдэхгүй болов уу.
Мэндчилгээ хэрхэн дэвшүүлэх чинь хүртэл өөрөө соёл шүү дээ. Ер нь сайд, дарга нар өөрсдийгөө рекламдахаас илүүтэй ажилчдаараа "чимсэн" мэндчилгээг хүлээн авах нийгмийн хандлага ч өөр байдаг юм билээ. УБЦТС-ний хамт олноос илгээсэн мэндчилгээнээс санаа авч болох юм.
Б.Лхам
Сэтгэгдэл (14)