Коронавирусний цар тахалтай холбоотойгоор Улаанбаатар хотод бүх нийтийн бэлэн байдлын зэргийг энэ сарын 11-ний өдрийг хүртэл сунгаад байгаа билээ.

Тэгвэл Улсын Онцгой комисс өнөөдөр хуралдаж, бэлэн байдлын зэрэглэлийг бууруулж, аж ахуйн нэгжийн үйл ажиллагааг хэсэгчлэн нээхээр болсон байна.

Энэ талаар ЗГОНХХ-ийн дарга, УОК-ын хэвлэлийн төлөөлөгч Ц.Ганзориг "Засгийн газрын тогтоолын дагуу нэгдүгээр сарын 11-нд бүх нийтийн бэлэн байдлын зэрэглэлийг бууруулах нь зүйтэй гэж үзлээ. Нийслэлийн Онцгой комисс ажиллах салбаруудын талаар хуралдах гэж байна. 19 цагаас олон нийтэд мэдээлэл өгнө.

Цаашид БЗД-ийн эмнэлэг / 300 гаруй хүн халдвар авсан. / шиг том голомт гарахгүй бол хэсэгчилж хязгаарлалт хийх байдлаар халдварын хүрээг тогтоож, тандалт хийх ажлууд хийнэ. Жишээ нь БГД-ийн 5 болон 6-р хороон 8000 өрхийн 23 мянга орчим иргэнийг хязгаарлаж тандаж байгаа шиг.

ААН-үүд иргэн бүр халдвар хамгааллын дэглэмийг ягштал барьж чадвал халдварын эрсдэлийг бага хохиролтой давж гарна" хэмээн мэдээлэв. 

Б.Баатар