Коронавирусний халдвартай болоод түүний ойрын хавьтлууд болох олон арван мянган хүнээс нэг өдөрт PCR-ийн  шинжилгээ авч байгаа. Ялангуяа үйлчилгээний байгууллагууд, банкууд, эмнэлгийн ажилтнууд зэрэг өдөр тутам олон хүнтэй харилцаанд ордог хүмүүс долоо хоногт 1-3 удаа тогтмол өгөх нь хэвийн. Иргэд ч сайн дураараа болон хөдөө орон нутаг руу явах, эсвэл халдвартай иргэнтэй ойр байж эрсдэл үүссэн тохиолдолд дээрх шинжилгээг байнга өгч буй. Хамгийн гол нь, үүнтэй холбоотойгоор PCR шинжилгэний бамбар буюу урдаа хөвөнтэй мод нь дэндүү урт бас бүдүүн. Тиймээс шинжилгээ өгөх иргэд эвгүйцэж, айдастай байна. Ялангуяа хамартаа гэмтэл авч байсан бол бүр ч хэцүү аж. Энэ байдлаар шинжилгээ өгсөн иргэд хэсэг хугацаанд хамраас нь цус гараад тогтохгүй, хамар салстад нь гэмтэл үүсч, мөн хэдэн өдөртөө өвдөж эвгүйцэх,  хуурайших зэрэг шинж тэмдэг илэрч байгаа аж. Тиймээс иргэд том бүдүүн модыг хамар хоолой руу чихэж байснаас Хятад улсынх шиг шүлснээс авч болдоггүй юм уу. Эсвэл бамбар нь нарийн байж болдоггүй юм байх даа. Хямд төсөр болохоор л бүдүүнийг нь авсан биз. Иргэдээ эн тэргүүнд бодохгүй юмаа гэсэн гомдол хэлж байна.  PCR шинжилгээ өгмөөр байдаг, эвгүйцээд, айгаад байгаа хүн олон аж. Ялангуяа ахмад настнууд урт мод хамар руу зоогоод гээд ихээхэн дургүйцэж байгаа аж.  Тэд урт мод хамар руу зоогоод Мөн шинжилгээ авч байгаа ажилтнууд чадах, чадахгүй нь байна. Зөвхөн сургалтад суусан тэднийг бас буруутгах аргагүй юм.

Манай улс PCR шинжилгээний бамбарыг уян, бүдүүн гэсэн хоёр сонголттойгоор худалдан авсан аж. Харин уян бамбар нь түрүүлээд дуусчихдаг. Үлдсэн хүмүүст бүдүүн нь ноогддог нь ийм гомдол гаргахад хүргэж, улмаар шинжилгээ хийлгэхээс зайлсхийх, сэтгэл зүйн хувьд стресст орох, цаашлаад хамар салстын өвчин нь сэдрэх зэргээр хүндрэл учруулж эхэлсэнд ЭМЯ анхааралдаа авч ажиллаасай гэж олон хүн хүсч байна. Аливаа асуудлыг хүн тал руу нь хандуулж байвал гэдэг үгийг ч дайж байна.  Мөн шинжилгээ өгөх гэж байгаа иргэд хамар салстын гэмтэлтэй бол урьдчилан заавал хэлж анхааруулахыг холбогдох байгууллагаас зөвлөж байна.

У.Тэргэл