Эх, олон хүүхэдтэй, өрх толгойлсон эх, эцэгт тэтгэмж олгох тухай хуулийн 0-3 хүртэлх насны хүүхдээ асарч байгаа эхэд тэтгэмж олгох заалт нь Монгол Улсын иргэн бүр хуулийн өмнө тэгш эрхтэй байх, хүйсээр ялгаварлахгүй байх Үндсэн хуулийн зарчмуудыг зөрчиж байна гэсэн агуулгатай мэдээллийг иргэн Б.Улсболд ҮХЦ-д гаргажээ. Тэрбээр мэдээлэлдээ уг заалт нь 0-3 хүртэлх насны хүүхдээ асарч байгаа эцгийн эрхийг зөрчөөд зогсохгүй, эмэгтэй хүн л хүүхэд харах ёстой гэсэн уламжлалт хандлагыг өөгшүүлсэн явдал гэж гэж үзэж буйгаа тайлбарласан байна. Ер нь бол Улсболд хэмээх энэ залуу жендерийн өндөр мэдрэмжтэй л хүн аж.

Түүний мэдээллийг ҮХЦ-ийн дунд суудлын хуралдаанаар хэлэлцэн дэмжиж, дээрх хуулийн уг заалтыг энэ оны 7 дугаар сарын нэгний өдрөөс эхлэн түдгэлзүүлэх шийдвэр гаргасан байна. Цэцийн дүгнэлтийг өнөөдөр УИХ-аар хэлэлцэж, мөн дэмжлээ.

Хуульд 0-3 насны хүүхдийн эх нь нас барсан эсвэл өөрөө өсгөхөөс татгалзсан тохиолдолд л эцэгт хүүхэд асарсны тэтгэмж олгохоор заасан байсан бол цаашид эх, эцгийн алинд нь тэтгэмж олгох боломжтой болох бололтой. Гэхдээ энэ нь хэн нэг гишүүн эсвэл ЗГ хуулийн төсөл санаачлан оруулж ирж байж л хуульчлагдах боломжтой.

Гэр бүлийн хоёрын эхнэр нь өндөр цалинтай, илүү сайн нөхцөлтэй ажилтай бол хүүхдээ 6 сар хүрмэгц ажилдаа орж, нөхөр нь үргэлжлүүлэн хүүхдээ асарч болно л доо. Энэ тохиолдолд хүүхдээ асарч буй аавд тэтгэмж олгох нь зөв. Гэхдээ...

Миний бие өнгөрсөн 5 сарын хугацаанд бяцхан гүнжээ асрахдаа нэг л зүйлийг анзаарлаа. Манай хүн намайг бодвол бүх зүйлд эвчхэн, дүйтэй хүн л дээ. Гэхдээ л охиноо хуурайлах, хувцаслах, өлгийдөх, унтуулаад орон дээр сэмхэн тавих гээд бүх зүйлд ээжийг бол гүйцэхгүй байгаамоо, ккк. Яах аргагүй эр, эм хүний байгалийн өгөгдлийн ялгаа харагдаад байгаам, хэ хэ. Тийм болохоор ээж хүн хүүхдээ зургаан сар хүртэл заавал өөрийн биеэр асрах ёстой гээд байгаа юм.

-Яагаад заавал 6 сар гэж? 

-Учир нь 6 сар хүрээд хүүхдийн ходоод эхийн сүүнээс бусад хоолыг боловсруулах чадвартай болдог юм байна. Ээж төрсөн цагаасаа эхлэн өөрийн биед байгаа хамаг эрдэс бодис, шим шүүсээ сүүгээрээ дамжуулан маамуугаа хооллосоор байгаад 6 сар хүрэх үед илүүчлээд байх юмгүй болдог аж. Тиймээс энэ үеэс хүүхдэд зайлшгүй нэмэлт хоол хэрэгтэй болдог юм байна. Мэдээж, ээжийн сүү татраагүй бол хүүхдээ хөхөөрөө хооллосоор л байх болно.

Бас нэг асуудал байна. Цалинтай ээж” хөтөлбөрийн хүрээнд хүүхдээ асарч буй эхэд олгож байгаа тэтгэмж нь сарын 50к юм байналээ. Чаос, 7 хоног хэрэглэх ганц уут памперсны мөнгө л дөө. Одоо нэгэнт хуулийн уг заалтыг түдгэлзүүлчихсэн юм чинь эцгийг хамааруулж, шинэчилж оруулж ирэхдээ мөнгөн дүнг нь нэмчих хэрэгтэй шд. Ядаж хөдөлмөрийн хөлсний доод хэмжээтэй дүйцэх мөнгө олговол хүүхдээ асарч байгаа эцэг, эх ажилд орох гэж яарахгүй, үр хүүхдээ эрүүл саруул өсгөнө. Монгол Улсын хүн ам ч өснө.

Монголын төр Иргэн Б.Улсболдын нэхэмжлэлээр далимдуулж, хүүхэд асарсны тэтгэмжийг эхэд ч үгүй, эцэгт ч үгүй, бүрмөсөн зогсоочихгүй байх л гэж найдаж байна.

Ирэхээ